Memleket basshysy Qasym-Jomart Toqaev Túrkistan oblysynyń jurtshylyǵymen kezdesýi barysynda qasıetti óńirge degen erekshe yqylasyn bildirdi, dep habarlaıdy Egemen.kz.
«Jaqynda Astanadan bastaý alǵan «Uly dala joryǵy» sanaýly kúnnen soń Túrkistanda óz máresine jetedi. Munyń zor sımvoldyq máni bar. Osy óńirde halqymyzdyń salt-dástúri, ádet-ǵurpy barynsha saqtalǵan. Bir sózben aıtqanda, Túrkistan – halqymyzdyń qaımaǵy buzylmaǵan qasıetti mekeni», dedi Qasym-Jomart Toqaev.
Budan soń, Prezıdent kıeli óńirde urpaqqa jol kórsetip, taǵylymdy tárbıe beretin danagóı aqsaqaldardyń orny bólek ekenin aıtty.
«Qazaq «Qarııasy bar eldiń qazynasy bar» deıdi. Túrkistanda urpaqqa jol kórsetip, taǵylymdy tárbıe beretin danagóı aqsaqaldarymyz az emes. Olar túrli jaǵdaı kezinde jurtty sabyrǵa shaqyrady. Jastarǵa basý aıtyp, kıkiljińge jol bermeıdi. Osyndaı aýzy dýaly el aǵalaryna zor alǵys aıtamyn», dep atap ótti Memleket basshysy.
Jıyn barysynda Qasym-Jomart Toqaev Túrkistanǵa degen erekshe yqylasyn bildirdi.
«Meniń qasıetti Túrkistanǵa yqylasym erekshe ekenin bilesizder. Memleket basshysy retinde alǵashqy saparymdy dál osy jerden bastaǵan edim. Sodan beri munda kóptegen oń ózgeris boldy. Sońǵy jyldary Túrkistanǵa tartylǵan ınvestısııa kólemi 8 ese artty. Qalanyń ınfraqurylymy jańǵyryp, jańa nysandar boı kóterip jatyr. Atap aıtqanda, 77 myń adamǵa arnalǵan kóp qabatty úıler salyndy. Shahar jasyl jelekke oranyp, ekologııalyq ahýaly jaqsardy. Turǵyndardy aýyzsýmen jáne tabıǵı gazben qamtamasyz etý máselesi sheshildi dep aıtýǵa bolady», dedi Qazaqstan Prezıdenti.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
