Prezıdent • 27 Qyrkúıek, 2022

Prezıdent: Túrkistan – elimizdegi eń basty týrıstik ortalyqtyń biri

1840 ret
kórsetildi
1 mın
oqý úshin

Bul týraly Memleket basshysy Túrkistan oblysy jurtshylyǵymen kezdesý barysynda aıtty, dep habarlaıdy Egemen.kz.

Prezıdent: Túrkistan – elimizdegi eń basty týrıstik ortalyqtyń biri
«Túrkistan – elimizdegi eń basty týrıstik ortalyqtyń biri. Osy aımaqqa kelip jatqan kóptegen meımandar – sonyń aıqyn kórinisi. 2019 jyldan beri oblysqa 2 mıllıonǵa jýyq týrıst keldi», dedi Prezıdent.
 
Memleket basshysynyń aıtýynsha, oblysta 64 myńǵa jýyq turaqty jumys orny ashyldy. Osylaısha, halyqtyń turmys sapasy birtindep jaqsaryp keledi. Árıne, óńirdi damytýǵa memleket barynsha kúsh salady. Túıtkilder áli az emes, ásirese, áleýmettik salada máseleler bar, degenmen, eń bastysy – jergilikti jurttyń ynta-jigeri.
 
«Ońtústik turǵyndary – eńbekqor halyq. Sizderde aýyzbirshilik, ár istiń kózin taba biletin iskerlik sııaqty jaqsy qasıettiń bári bar. Osynda baý-baqshasyn baptap, tórt túligin ósirip, berekeli ómir súrip jatqan azamattar az emes», dedi Q.Toqaev.
Sońǵy jańalyqtar

Tarazda anasy eki balasyn terezeden laqtyryp jiberdi

Tótenshe jaǵdaı • Búgin, 12:50