El Prezıdentiniń aıtýynsha, jańa ıdeıalar men serpindi jobalar tek erkin ári úılesimdi qoǵamda ǵana paıda bola alady.
«Sondyqtan, eldi aýqymdy jańǵyrtý sheńberinde biz ádiletti Qazaqstandy – barshaǵa teń múmkindikter memleketin qurýdy kózdep otyrmyz. Zamanaýı dıdjıtal-nomadtar jahandyq kıber jáne fızıkalyq keńistikti belsendi ıgerýde, jańa ónimder men naryqtar qurýda. Qazirgi zamanǵy aqparattyq órkenıet ár adamnyń ózin-ózi júzege asyrýy úshin úlken múmkindikter ashady», dedi Memleket basshysy.
Forým barysynda Qasym-Jomart Toqaev Qazaqstannyń sıfrlyq transformasııasyndaǵy 5 basymdyǵyn atady. Olar:
- Adamǵa baǵdarlanǵan qyzmetti damytý.
- IT-sala úshin qolaıly jaǵdaı jasaý.
- IT-ınfraqurylymdy keń kólemde modernızasııalaý.
- Sıfrlyq ekonomıkany jáne Indýstrııa 4.0-di damytý.
- Adam kapıtalyn nyǵaıtý.
