Aýa raıy • 28 Qyrkúıek, 2022

Elimizdiń 16 oblysynda daýyldy eskertý jarııalandy

Qazaqstannyń 16 oblysynda daýyldy eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.

Sınoptıkterdiń málimetinshe, 29 qyrkúıekte Astanada tuman kútiledi.

Abaı aýdanynda jaýyn-shashyn (qarǵa aýysatyn jańbyr) kútiledi. Soltústik-batysta tuman. Ońtústik-batystan soǵatyn jel ekpini 15-20 m/s jetedi. Aýa temperatýrasynyń kúrt tómendeýi túnde 0-5 gradýsqa deıin, oblystyń soltústiginde 3 gradýs aıaz, kúndiz 2-7 gradýsqa deıin aýa temperatýrasy tómendeıdi.

Aqmola oblysynyń soltústigi men shyǵysynda kóktaıǵaq, tuman kútiledi.

Túnde ortalyqta, kúndiz batysta, Aqtóbe oblysynyń ortalyǵynda ońtústik, ońtústik-shyǵystan soǵatyn jeldiń ekpini 15 m/s jetedi.

Almaty oblysynyń soltústiginde jáne taýly aımaqtarynda soltústik-batystan soǵatyn jeldiń ekpini 15-20 m/s kútiledi.

Atyraý oblysynyń soltústiginde, ońtústiginde, shyǵysynda ońtústik-shyǵystan soǵatyn jel ekpini 15-20 m/s kútiledi. Atyraýda ońtústik-shyǵystan ekpini 15-18 m/s jel kútiledi.

Shyǵys Qazaqstan oblysynda jaýyn-shashyn kútiledi (jańbyr qarǵa aýysady). Soltústik-batysta tuman. Ońtústik-batystan soǵatyn jel oblystyń soltústiginde, ońtústiginde, shyǵysynda soltústik-batysqa aýysady, ekpini 15-20 m/s. Aýa temperatýrasy túnde 0-5 gradýsqa deıin kúrt tómendeıdi, oblystyń soltústiginde, shyǵysynda - 5 aıaz, kúndiz 2-7 gradýsqa deıin tómendeıdi.

Jetisý oblysynyń soltústigi men shyǵysynda soltústik-batystan 15-20 m/s jel soǵady, ekpini 23-28 m/s.

Batys Qazaqstan oblysynyń soltústiginde, batysynda naızaǵaı kútiledi. Ońtústik-shyǵystan soǵatyn jel batysqa aýysady, oblystyń soltústiginde, batysynda ekpini 15-20 m/s jel soǵady.

Qaraǵandy oblysynyń soltústik-shyǵysynda túnde tuman, kóktaıǵaq kútiledi.

Qostanaı oblysynyń soltústik-shyǵysynda tuman kútiledi. Kúndiz oblystyń batysynda burqasyn, kóktaıǵaq bolady. Shyǵystan, ońtústik-shyǵystan soǵatyn jel ekpini 15-20 m/s.

Qyzylorda oblysynda kúndiz oblys ortalyǵynda soltústik-shyǵystan soǵatyn jeldiń kúshi 15-20 m/s kútiledi. Qyzylordada tótenshe órt qaýpi saqtalady.

Mańǵystaý oblysynyń soltústiginde, ońtústiginde, ortalyǵynda shańdy daýyl soǵady.

Pavlodar oblysynyń ońtústigi men shyǵysynda kóktaıǵaq kútiledi.

Soltústik Qazaqstan oblysynyń ońtústik-shyǵysynda túnde kóktaıǵaq bolady. Oblystyń batysynda tuman kútiledi.

29 qyrkúıekte tańerteń jáne kúndiz Túrkistan oblysynyń soltústiginde shańdy daýyl turady. Tańerteń jáne kúndiz soltústikte, batysta, oblystyń taýly aımaqtarynda shyǵystan jel soǵady, kúshi 15-20 m/s. Aýdannyń basym bóliginde tótenshe órt qaýpi saqtalady.