Sharaına
14 mamyr kúni bastalǵan Balkandaǵy nóser jańbyr sarapshylar úshin de, sondaı-aq, jergilikti turǵyndar úshin de esten tandyratyn oqıǵaǵa aınaldy. О́zenderdiń jaǵalaýlardan shyǵyp ketýi saldarynan orasan zor aýmaq sý astynda qaldy.
Kóptegen úılerdi, joldar men kópirlerdi laı kóshkini shaıyp ketti. Kelgen shyǵyn eseptelip jatyr. Serbııanyń astanasy Belgrad qalasy janynan salynǵan asa kórkem Obrenovas serik-qalasy tolyqtaı sý astynda qaldy. Mundaı tabıǵat apaty atalǵan óńirlerde baqylaý júrgizilip kele jatqan 120 jyl bederinde oryn alyp kórmepti.
Qara teńizge AQSh kreıseri kiredi
Amerıkanyń zymyrandyq kreıseri «Vella Galf» aldaǵy juma kúni Qara teńiz akvatorııasyna kiretin bolady. Bul týraly keshe ITAR-TASS-qa áskerı-dıplomatııalyq derek kózi habarlaǵan. Korabl óz mindetin teńizdiń shyǵys bóliginde oryndaıdy dep josparlanypty.
Buǵan deıin korabl 9 mamyrda keledi dep kútilgen eken. Biraq bul jospar keıinge shegerilipti. Reseıde Jeńis kúni atalyp ótip jatqan tusta Qara teńizge áskerı kreıser ákelý etıkalyq jaǵynan múldem jaraspaıdy dep sheshilse kerek. Al AQSh tarapy osy áreketi arqyly Ýkraınanyń jańa bıliginiń is-qımylyna qoldaý kórsetpek nıetinde kórinedi. «Vella Galf» qanatty zymyrandar men kemelerge qarsy zymyrandar ornatylǵan áskerı keme bolyp tabylady.
Qytaıǵa gaz Eýropa baǵasymen
Qytaıǵa satylatyn Reseı gazynyń baǵasy 1 tekshe metrine shamamen 350-380 dollar bolady. Bul týraly «Gazpromdaǵy» derek kózi «Izvestııa» gazetine habarlaǵan. Reseı prezıdenti Vladımır Pýtınniń Shanhaıǵa osy jolǵy sapary barysynda kelisimge qol qoıylady dep kútilýde.
Kelisim boıynsha Reseı Qytaıǵa 30 jyl boıy gaz satatyn bolady. Satylatyn gazdyń jyl saıynǵy kólemi 38 mıllıard tekshe metrdi quraıdy dep josparlanǵan. Osylaısha Reseı óziniń tabıǵı baılyǵyn Qytaıǵa Eýropa baǵasymen deńgeıles aqshaǵa satatyny belgili bolyp otyr. Máskeý bul kelisimnen shamamen 400 mıllıard dollar tabys kórmek.
О́zbekstanda Reseı azamaty qamaýǵa alyndy
О́zbekstanda Batys-Oral mashına jasaý konserniniń prezıdenti Aleksandr Pozdeev qamaýǵa alynǵan. Oǵan konsernde júzege asyrylǵan kelisimsharttardyń qunyn aspandatyp jibergen degen aıyp taǵylyp otyr. Konsernniń О́zbekstanda júzege asyrylyp jatqan jobalarynyń jalpy quny shamamen 200 mıllıon dollardy quraıdy eken.
Konsernniń saıtynda keltirilgen aqparattarǵa sáıkes, О́zbekstanda 2007-2014 jyldar aralyǵynda jasalǵan jáne júzege asyrylǵan kelisimsharttardyń portfeli 280 mıllıon dollardy qurapty. Pozdeev О́zbekstannyń bas prokýratýrasyna jaýap berýge shaqyrylǵannan keıin artynsha tutqyndalǵan. Reseı elshiligi konsern prezıdentiniń tutqyndalý sebebin anyqtaýǵa kirisipti.
Jaǵalaý kúzetin taratqandy jón kórdi
Ońtústik Koreıanyń prezıdenti Pak Kyn He keshe halyqtan kezekti márte keshirim ótindi. Buǵan sýǵa batyp ketken «Sevol» paromyndaǵy kóptegen adamnyń kóz jumýy jáne qutqarý operasııasynyń qanaǵattanǵysyzdyǵy sebep boldy. Bolǵan oqıǵaǵa men jeke-dara jaýaptymyn, degen óziniń sózinde Pak Kyn He.
Sondaı-aq, prezıdent eldiń jaǵalaý kúzetin taratyp, onyń ornyna ulttyq qaýipsizdik mınıstrligin qurýǵa ýáde berdi. Jańa mınıstrlik iz-túzsiz ketkenderdi izdestirýdi jalǵastyratyn bolady. Onyń sózine qaraǵanda, eger teńiz polısııasy úılesimdilik tanytqanda kóptegen adamdardy aman alyp qalýǵa bolatyn edi. Bortynda 476 jolaýshysy bar atalǵan parom 16 sáýirde sýǵa batyp, 286 adam qaza tapqan bolatyn.
30 tonna káriptas jasyrylǵan qoıma
Reseı ishki ister mınıstrligi men federaldy qaýipsizdik qyzmetiniń qyzmetkerleri Kalınıngrad oblysyndaǵy Baltıısk qalasynda káriptastyń (ıantar) asa iri kólemi jasyrylǵan qupııa oryndy tapqan. Qoıma ekinshi dúnıejúzilik soǵys kezinde nemis forty bolǵan aýmaqta oryn teýipti.
Polıseıler jalpy salmaǵy 30 tonna bolatyn káriptas salynǵan 1300 qapshyqtyń ústinen túsken. Qymbat tasqa eshqandaı qujat usynylmaǵan. Al tintý sharalary «Amber-plıýs» kompanııasynyń dırektory Vıktor Bogdanǵa qatysty qylmystyq is qozǵaý aıasynda júrgizilipti. Oǵan 350 mıllıon rýblden astam somadaǵy qosymsha qun salyǵyn zańsyz paıdalandy degen kúdik keltirilip otyr eken.
14 mamyr kúni bastalǵan Balkandaǵy nóser jańbyr sarapshylar úshin de, sondaı-aq, jergilikti turǵyndar úshin de esten tandyratyn oqıǵaǵa aınaldy. О́zenderdiń jaǵalaýlardan shyǵyp ketýi saldarynan orasan zor aýmaq sý astynda qaldy.
Kóptegen úılerdi, joldar men kópirlerdi laı kóshkini shaıyp ketti. Kelgen shyǵyn eseptelip jatyr. Serbııanyń astanasy Belgrad qalasy janynan salynǵan asa kórkem Obrenovas serik-qalasy tolyqtaı sý astynda qaldy. Mundaı tabıǵat apaty atalǵan óńirlerde baqylaý júrgizilip kele jatqan 120 jyl bederinde oryn alyp kórmepti.
Qara teńizge AQSh kreıseri kiredi
Amerıkanyń zymyrandyq kreıseri «Vella Galf» aldaǵy juma kúni Qara teńiz akvatorııasyna kiretin bolady. Bul týraly keshe ITAR-TASS-qa áskerı-dıplomatııalyq derek kózi habarlaǵan. Korabl óz mindetin teńizdiń shyǵys bóliginde oryndaıdy dep josparlanypty.
Buǵan deıin korabl 9 mamyrda keledi dep kútilgen eken. Biraq bul jospar keıinge shegerilipti. Reseıde Jeńis kúni atalyp ótip jatqan tusta Qara teńizge áskerı kreıser ákelý etıkalyq jaǵynan múldem jaraspaıdy dep sheshilse kerek. Al AQSh tarapy osy áreketi arqyly Ýkraınanyń jańa bıliginiń is-qımylyna qoldaý kórsetpek nıetinde kórinedi. «Vella Galf» qanatty zymyrandar men kemelerge qarsy zymyrandar ornatylǵan áskerı keme bolyp tabylady.
Qytaıǵa gaz Eýropa baǵasymen
Qytaıǵa satylatyn Reseı gazynyń baǵasy 1 tekshe metrine shamamen 350-380 dollar bolady. Bul týraly «Gazpromdaǵy» derek kózi «Izvestııa» gazetine habarlaǵan. Reseı prezıdenti Vladımır Pýtınniń Shanhaıǵa osy jolǵy sapary barysynda kelisimge qol qoıylady dep kútilýde.
Kelisim boıynsha Reseı Qytaıǵa 30 jyl boıy gaz satatyn bolady. Satylatyn gazdyń jyl saıynǵy kólemi 38 mıllıard tekshe metrdi quraıdy dep josparlanǵan. Osylaısha Reseı óziniń tabıǵı baılyǵyn Qytaıǵa Eýropa baǵasymen deńgeıles aqshaǵa satatyny belgili bolyp otyr. Máskeý bul kelisimnen shamamen 400 mıllıard dollar tabys kórmek.
О́zbekstanda Reseı azamaty qamaýǵa alyndy
О́zbekstanda Batys-Oral mashına jasaý konserniniń prezıdenti Aleksandr Pozdeev qamaýǵa alynǵan. Oǵan konsernde júzege asyrylǵan kelisimsharttardyń qunyn aspandatyp jibergen degen aıyp taǵylyp otyr. Konsernniń О́zbekstanda júzege asyrylyp jatqan jobalarynyń jalpy quny shamamen 200 mıllıon dollardy quraıdy eken.
Konsernniń saıtynda keltirilgen aqparattarǵa sáıkes, О́zbekstanda 2007-2014 jyldar aralyǵynda jasalǵan jáne júzege asyrylǵan kelisimsharttardyń portfeli 280 mıllıon dollardy qurapty. Pozdeev О́zbekstannyń bas prokýratýrasyna jaýap berýge shaqyrylǵannan keıin artynsha tutqyndalǵan. Reseı elshiligi konsern prezıdentiniń tutqyndalý sebebin anyqtaýǵa kirisipti.
Jaǵalaý kúzetin taratqandy jón kórdi
Ońtústik Koreıanyń prezıdenti Pak Kyn He keshe halyqtan kezekti márte keshirim ótindi. Buǵan sýǵa batyp ketken «Sevol» paromyndaǵy kóptegen adamnyń kóz jumýy jáne qutqarý operasııasynyń qanaǵattanǵysyzdyǵy sebep boldy. Bolǵan oqıǵaǵa men jeke-dara jaýaptymyn, degen óziniń sózinde Pak Kyn He.
Sondaı-aq, prezıdent eldiń jaǵalaý kúzetin taratyp, onyń ornyna ulttyq qaýipsizdik mınıstrligin qurýǵa ýáde berdi. Jańa mınıstrlik iz-túzsiz ketkenderdi izdestirýdi jalǵastyratyn bolady. Onyń sózine qaraǵanda, eger teńiz polısııasy úılesimdilik tanytqanda kóptegen adamdardy aman alyp qalýǵa bolatyn edi. Bortynda 476 jolaýshysy bar atalǵan parom 16 sáýirde sýǵa batyp, 286 adam qaza tapqan bolatyn.
30 tonna káriptas jasyrylǵan qoıma
Reseı ishki ister mınıstrligi men federaldy qaýipsizdik qyzmetiniń qyzmetkerleri Kalınıngrad oblysyndaǵy Baltıısk qalasynda káriptastyń (ıantar) asa iri kólemi jasyrylǵan qupııa oryndy tapqan. Qoıma ekinshi dúnıejúzilik soǵys kezinde nemis forty bolǵan aýmaqta oryn teýipti.
Polıseıler jalpy salmaǵy 30 tonna bolatyn káriptas salynǵan 1300 qapshyqtyń ústinen túsken. Qymbat tasqa eshqandaı qujat usynylmaǵan. Al tintý sharalary «Amber-plıýs» kompanııasynyń dırektory Vıktor Bogdanǵa qatysty qylmystyq is qozǵaý aıasynda júrgizilipti. Oǵan 350 mıllıon rýblden astam somadaǵy qosymsha qun salyǵyn zańsyz paıdalandy degen kúdik keltirilip otyr eken.
Qysqa qaıyryp aıtqanda:
Laostyń vıse-premeri, ulttyq qorǵanys mınıstri Dýangchaı Phıchıt jáne kem degende taǵy eki adam eldiń soltústik-shyǵysynda áýe apatynan qaza tapty. AN-24 TK-300 úkimet ushaǵy Sıeng Kýang taýly provınsııasynda apatqa ushyraǵan. Qarýly jasaqtyń Malıdiń soltústigindegi Kıdal qalasyna shabýyly kezinde 30 sheneýnik urlap áketilse, 23-i zardap shekken. Bılik oqıǵaǵa jaýapkershilikti «Azabadany azat etýdiń ulttyq qozǵalysy» tobynyń moınyna artyp otyr. Malıdiń soltústiginiń turǵyndary ondaǵan jyldar boıy táýelsizdik úshin kúresip keledi. Kolýmbııada avtobýstaǵy órt saldarynan 32 bala qaza tapqan. Kólik shirkeýge bara jatqan jolda otqa oranypty. El prezıdenti Hýan Manýel Santos qaza tapqan balalardyń otbasyna kóńil aıtty. Oqıǵa oryn alǵan Fýndason qalasynyń meri Stella Dıýran onshaqty balaǵa medısınalyq kómek kórsetilgenin de aıtady. Biraq odan qaıyr bolmaǵan. Latvııada el táýelsizdik alǵaly beri alǵash ret iri áskerı-jattyǵýlar bastaldy. Manevrler qurǵaqta da, sýda da uıymdastyrylyp, eki kezeńde ótetin kórinedi. Qorǵanys mınıstrligi baspasóz qyzmetiniń derekteri jattyǵýlarǵa 2,2 myńnan astam áskerı qyzmetshi qatysatynyn kóldeneń tartady. Reseılikterdiń 7 paıyzy eshqashan murajaılarda bolyp kórmepti. Muny keshe jarııalanǵan saýaldamanyń nátıjesi kórsetip bergen. 2009 jyly murajaı kórmegen azamattar elde 20 paıyzdy quraǵan eken. Osylaısha sońǵy bes jylda reseılikterdiń mádenı deńgeıi ájeptáýir óskeni baıqalady. Internet materıaldary negizinde ázirlendi.
