Keńes pen toptyń birlesken otyrysy

Qazaqstan Respýblıkasy Parlamentiniń Májilisindegi «Nur Otan» partııasynyń fraksııasy janyndaǵy О́ńirlik saıasat jónindegi keńes pen «Nur Otan» partııasynyń saılaýaldy tuǵyrnamasynyń «Innovasııalyq ekonomıka» baǵyty boıynsha saraptama toby birlesken otyrys ótkizdi. Otyrysta «Jasyl kópir» ıdeıasy iske asyrylatyn munaı jáne gaz salalaryndaǵy ınnovasııalar jáne munaı-gaz jobalaryna qatysýshy qazaqstandyq uıymdardy kóbeıtý» taqyryby talqylandy. Basqosýdy Májilis depýtaty, «Nur Otan» partııasynyń fraksııasy janyndaǵy О́ńirlik saıasat jónindegi keńes múshesi, «Nur Otan» partııasynyń saılaýaldy tuǵyrnamasynyń «Innovasııalyq ekonomıka» baǵyty boıynsha kýratory Meıram Pishembaev júrgizdi. Munaı jáne gaz mınıstriniń orynbasary Maǵzum Myrzaǵalıev «Qazaqstannyń munaı jáne gaz salasyndaǵy ınnovasııasy: aıryqsha jobalar», – degen taqyrypta baıan­dama jasady. «Innovasııa jáne seriktestik arqyly qazaqstandyq qamtýdy damytý» atty taqyrypty «Teńizshevroıl» JShS bas dırektory Tım Mıller taratyp aıtyp berdi. Qazaqstan jurtshylyǵynyń aldynda bedeldi bolýdy maqsat etken kompanııa qazaqstandyq qamtýdyń damytý strategııasyn qolǵa alǵan. Ol úshin múmkindikter jasaý, qýattardy damytý, bilim jáne tájirıbemen bólisý, qazaqstandyq mamandardy barynsha paıdalaný qajet. Qazaqstannyń mashına jasaýshylar odaǵymen yntymaqtasyp, shaǵyn jáne orta bıznesti damytý baǵdarlamasy jasalǵan. Shetel azamattaryn ulttyq qyzmetkerlermen almastyryp, basshylyq sabaqtastyǵy jalǵastyrylýda. Búginde jumysshylar arasyndaǵy Qazaqstan azamattarynyń úlesi 87 paıyzǵa jetken. Orta jáne joǵary býyn basshylardan Qazaqstan azamattary – 76 paıyz. Otyrysqa Májilis depýtattary jáne munaı-gaz sektoryndaǵy jetekshi kompanııalar ókilderi men ortalyq memlekettik uıymdar basshylary qatysty, dep habarlady Májilistiń baspasóz qyzmeti.