Elektrondy kommersııanyń úlesi artady

Astanada ASTEX-2014 Halyqaralyq kórme-konferensııasy óz jumysyn bastady. Jyl saıynǵy dástúr boıynsha bıylǵy jyly da kórmege sheteldik spıkerler – iri kompanııalardyń basshylary, ınvestorlar, bıznes-trenerler, álemdik ınternet-bıznestiń oıynshylary, sarapshylar qatysýda, dep habarlady Baılanys jáne aqparat agenttiginiń baspasóz qyzmeti. Kórme-konferensııanyń resmı ashylý saltanatynda Premer-Mınıstr Kárim Másimovtiń atynan Baılanys jáne aqparat agenttiginiń tóraǵasy Asqar Jumaǵalıev qatysýshylarǵa alǵysóz arnady. Tóraǵa elektrondyq kommer­sııa­nyń damýy úshin ınfra­qurylymdyq qural sanalatyn aqparattyq kom­mýnıkasııalyq tehnologııalar (AKT) salasyna memleket tarapynan kórsetilip jatqan qoldaýlar týraly aıtyp ótti. Atap aıtqanda, «Aqparattyq Qazaqstan-2020» mem­lekettik baǵdarlamasynda qaras­tyrylǵan keshendi is-sharalardy júzege asyrýdyń, baılanystyń jańa tehnologııalaryn engizýdiń, baılanys pen ınternettiń jyldamdyǵyn arttyryp, qyzmet baǵasyn arzandatýdyń arqasynda 2020 jylǵa qaraı elektrondyq kommersııanyń jalpy taýarlar men qyzmetter na­ry­ǵyndaǵy úlesin 10%-ǵa jetkizý kózdelýde. Shaqyrylǵan qonaqtardyń arasynan Cars.com-nyń negizin qalaýshy jáne Ońtústik Koreıa prezıdentiniń keńesshisi Iаng Im Cho, reıtıngtik kórsetkishke sáıkes AQSh-taǵy ekinshi elektrondyq kommersııa naryǵynyń qatysýshysy – NewEgg kompanııasynyń bas dırektory Robert Bellak, Cybersecurity Malaysia kompanııasynyń bas dırektory A.Ohab sóz sóıledi. Aıtyp ótken jón, mamyrdyń 19-20-sy kúnderi «Qazmedıa orta­lyǵyndaǵy» Halyqaralyq kórme-konferensııa aıasynda Sılıkon alqabynyń jańashyldary ózderiniń baıandamalaryn kópshilik nazaryna usynady. Sondaı-aq, yntymaqtastyq memorandýmdaryna qol qoıylady. ASTEX-2014 sharasy sheńberinde elek­trondyq kommersııa jáne logıs­tıka, elektrondyq bıznes sala­syn­daǵy ınnovasııalyq ónimder, B2C jáne B2B-de AKT salasyn da­mytý máseleleri talqylanyp, golo­grafııalyq vızýaldaýdyń sońǵy tehnologııalary, 3D-prınterler men AKT salasyndaǵy ózge de jańa­shyldyqtar usynylady. Konferensııanyń alǵashqy kúni arnaıy shaqyrylǵan spıkerler e-kommersııadaǵy sońǵy úrdister týraly áńgimelep berdi. MuckerLab, eBay, TripAdvisor negizin qalaýshy Erık Rannala Kremnıı alqabyndaǵy rıteıl tehnologııasyna ınvestısııa tartý qupııalarymen bólisti. Al, taǵy bir tanymal mentor – EyeFinder kompanııasynyń negizin qalaýshy jáne jetekshisi Ole Aıkhorn ónimdi tú­sirilgen sýrettiń kómegimen vı­zýaldi izdestirýdiń paıdaly tehno­lo­gııa­lary týraly áńgimelep berdi. «AKT damytý qorynyń» bas dırek­­tory Sanjar Kettebekov «oń kóz­qa­rastaǵy aýdıtorııanyń quny qansha?» degen suraqqa jaýap qaıtardy. «Mobıldi ınfokommýnıka­sııa­lar»: 4G mobıldi qurylǵysyn qoldanýshylardan bastap M2M birge qoǵamnyń, ındýstrııanyń jáne ómir súrý saltynyń radıkaldy transformasııalanýyna (túrlenýine) deıingi kommersııalyq servısterdi damytý keleshegi kópshilik talqysyna túsetin arnaıy taqyryp boldy. «Bolashaqtyń mobıldi ekojúıesi qandaı?» degen taqyrypqa arnalǵan bólimde «Qazaqtelekom» AQ-tyń tóraǵasy K. Esekeev, «Altel» AQ-tyń basqarma tóraǵasy M.Saýranbekov, TeliaSonera kompanııasynyń departament dırektory D.Oberg jáne basqa da spıkerler óz oılaryn ortaǵa saldy. «Aqyldy logıstıka» taqy­ry­byn­daǵy plenarlyq sessııadan soń sarapshylar dóńgelek ústel basyna jınalyp, «QR e-kommersııanyń shu­ǵyl damýynyń alǵysharttaryn» talqylady. ASTEX-2014 kórme-kon­fe­ren­sııasyn Baılanys jáne aqparat agenttigi, «Zerde» ulttyq ınfokommýnıkasııa holdıngi»AQ, «AKT damytý qory» KQ uıymdastyryp otyr.