Úkimet • 29 Qyrkúıek, 2022

Úkimette sý salasynyń materıaldyq-tehnıkalyq máseleleri talqylandy

65 ret kórsetildi

Premer-Mınıstr Álıhan Smaıylovtyń tóraǵalyǵymen ótken Qazaqstan Sý keńesiniń otyrysynda Sý resýrstary komıtetiniń jáne onyń basseındik ınspeksııalarynyń kadrlyq áleýetin nyǵaıtý, sondaı-aq olardyń materıaldyq-tehnıkalyq jaraqtandyrylýyn jaqsartý máseleleri talqylandy, dep habarlaıdy Egemen.kz.

Ekologııa, geologııa jáne tabıǵı resýrstar mınıstri Serikqalı Brekeshevtiń aıtýynsha, Qazaqstannyń sý resýrstaryn basqarý tıimdiligin arttyrý úshin Sý resýrstary komıtetiniń uıymdyq qurylymyn qaıta qaraý jáne kúsheıtý, sondaı-aq aýmaqtyq basseındik ınspeksııalardy aıtarlyqtaı nyǵaıtý usynylyp otyr. 

Talqylaýǵa Premer-Mınıstrdiń orynbasary – qarjy mınıstri Erulan Jamaýbaev, ulttyq ekonomıka mınıstri Álibek Qýantyrov jáne Halyqaralyq Araldy qutqarý qorynyń Qazaqstandaǵy ókili Ámirhan Kenshimov qatysty. 

Premer-Mınıstr tıisti bólimshelerdi materıaldyq-tehnıkalyq jaǵynan qamtamasyz etýdi keńeıtý jónindegi usynysty qoldady. Bul rette ol Ekologııa mınıstrligine kadr saıasatyna qatysty usynylyp otyrǵan sharalarǵa qosymsha taldaý júrgizýdi tapsyrdy.

«Ǵylym men bilimge de erekshe kóńil bólý kerek. Sý sharýashylyǵy ǵylymyn damytý, tıisti ǴZI-di kúsheıtý boıynsha usynystar berińiz, óıtkeni ǵylymsyz bul salany damyta almaımyz. Kadrlardy daıarlaý kezinde zamanaýı kásibı standarttardy engizýge basa nazar aýdarylýy tıis», dedi Álıhan Smaıylov.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar