Qazaqstan Respýblıkasynyń Zańy №202-V QRZ

Ruqsattar jáne habarlamalar týraly

Osy Zań jekeshe kásipkerlik sýbektileriniń jáne osy Zańda kózdelgen basqa da tulǵalardyń jekelegen qyzmet túrlerin nemese áreketterdi júzege asyrýynyń ruqsat berý nemese habarlama jasaý tártibin engizýge baılanysty qoǵamdyq qatynastardy retteıdi. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) aqparattandyrý salasyndaǵy ýákiletti organ – aqparattandyrý jáne «elektrondyq úkimet» salasynda basshylyqty júzege asyratyn ortalyq memlekettik organ; 2) biliktilik talaptary – ótinish berýshiniń jáne lısenzıattyń jekelegen lısenzııalanatyn qyzmet túrimen jáne (nemese) lısenzııalanatyn qyzmet túriniń kishi túrimen aınalysý qabiletin sıpattaıtyn, lısenzııa jáne (nemese) lısenzııaǵa qosymsha berý kezinde de, onyń jaramdylyǵy ýaqytynyń búkil kezeńinde de qoıylatyn sandyq jáne sapalyq normatıvter men kórsetkishter jıyntyǵy; 3) ekinshi sanattaǵy ruqsatty berýge ýákiletti organ – Qazaqstan Respýblıkasynyń zańnamasyna sáıkes quzyretine ruqsat berý rásimin júzege asyrý jónindegi fýnksııalar jatqyzylǵan memlekettik organ nemese laýazymdy tulǵa; 4) ekinshi sanattaǵy ruqsatty ıelenýshi – ekinshi sanattaǵy jaramdy ruqsaty bar jeke nemese zańdy tulǵa; 5) lısenzııalanatyn qyzmet túri – aınalysý úshin osy Zańǵa sáıkes lısenzııa alý talap etiletin qyzmet túri (belgili bir áreket (operasııa, saqtandyrý synyptary); 6) lısenzııa – jeke nemese zańdy tulǵaǵa qaýiptiliktiń joǵary deńgeıine baılanysty lısenzııalanatyn qyzmet túrin ne lısenzııalanatyn qyzmettiń kishi túrin júzege asyrýǵa lısenzıar beretin birinshi sanattaǵy ruqsat; 7) lısenzıar – osy Zańǵa sáıkes lısenzııalaýdy júzege asyratyn memlekettik organ; 8) lısenzıat – lısenzııasy bar jeke nemese zańdy tulǵa; 9) lısenzııalanatyn qyzmet túriniń kishi túri – bir lısenzııa aıasynda tıisti lısenzııalanatyn qyzmet túrin naqtylaý; 10) lısenzııalaý – lısenzııany jáne (nemese) lısenzııaǵa qosymshalardy jáne lısenzııanyń jáne (nemese) lısenzııaǵa qosymshalardyń telnusqasyn berýge jáne qaıta resimdeýge, ruqsattyq baqylaýdy júzege asyrýǵa, lısenzııanyń jáne (nemese) lısenzııaǵa qosymshalardyń qoldanysyn toqtata turýǵa, qaıta bastaýǵa jáne toqtatýǵa baılanysty is-sharalar kesheni; 11) lısenzııanyń ıelikten shyǵarylatyndyǵy – basqa jeke nemese zańdy tulǵanyń biliktilik talaptaryna sáıkestigin tekserý rásimderin júrgizbeı, oǵan lısenzııany qaıta resimdeý múmkindigi; 12) jaramdy ruqsat – berilgen, uzartylǵan nemese qaıta resimdelgen, qoldanysy osy Zańǵa sáıkes toqtatyla turmaǵan nemese toqtatylmaǵan ruqsat; 13) ótinish berýshi – lısenzııalaýdan nemese ruqsat berý rásiminen ótý úshin tıisti ruqsat berý organyna júgingen nemese habarlama jibergen jeke nemese zańdy tulǵa, zańdy tulǵanyń fılıaly nemese ókildigi, lısenzıat, ekinshi sanattaǵy ruqsatty ıelenýshi; 14) retteýshi memlekettik organdar – ruqsat berý nemese habarlama jasaý tártibi engizilgen nemese engizý josparlanyp jatqan naqty salada kásipkerlik qyzmetti retteýge jaýapty memlekettik organdar; 15) ruqsat – ruqsat berý organdary lısenzııalaý nemese ruqsat berý rásimi arqyly júzege asyratyn, jeke nemese zańdy tulǵanyń qyzmetti nemese áreketterdi (operasııalardy) júzege asyrýǵa quqyǵyn rastaý; 16) ruqsattyq baqylaý – ruqsat berý organdarynyń ruqsat jáne (nemese) ruqsatqa qosymsha berilgenge deıin ótinish berýshiniń biliktilik nemese ruqsat berý talaptaryna sáıkestigin tekserýge baǵyttalǵan qyzmeti, sondaı-aq, olar berilgennen keıin lısenzıattardyń jáne ekinshi sanattaǵy ruqsatty ıelenýshilerdiń Qazaqstan Respýblıkasynyń ruqsattar jáne habarlamalar týraly zańnamasyn saqtaýyn qamtamasyz etý; 17) ruqsat berý organdary – lısenzıarlar jáne ekinshi sanattaǵy ruqsattardy berýge ýákiletti organdar; 18) ruqsat berý tártibi – qyzmetti nemese áreketterdi (operasııalardy) júzege asyrý bastalǵanǵa deıin tulǵanyń osy Zańda kózdelgen jaramdy ruqsatqa ıe bolý mindetin belgileý; 19) ruqsat berý rásimi – ekinshi sanattaǵy ruqsatty berýge jáne oǵan qatysty Qazaqstan Respýblıkasynyń zańnamasynda kózdelgen ózge de áreketterdi jasaýǵa, sondaı-aq ruqsattyq ba­qy­laýdy júzege asyrýǵa baılanysty is-sharalar kesheni; 20) ruqsat berý talaptary – ótinish berýshiniń jáne ekinshi sanattaǵy ruqsatty ıelenýshiniń ruqsat berý tártibi engizilgen jekelegen qyzmet túrin nemese áreketti (operasııany) júzege asyrý qabiletin sıpattaıtyn, ekinshi sanattaǵy ruqsatty berý kezinde de, onyń jaramdylyǵy ýaqytynyń búkil kezeńinde de qoıylatyn sandyq jáne sapalyq normatıvter men kórsetkishterdiń jıyntyǵy; 21) ruqsattar men habarlamalardyń mem­le­ket­tik elektrondyq tizilimi – berilgen, qaı­ta resimdelgen, toqtatyla turǵan, kúshi jo­ıyl­ǵan, uzartylǵan, qaıta bastalǵan jáne qolda­nysy toqtatylǵan ruqsattar jáne olardyń tel­nusqalary týraly, sondaı-aq alynǵan habarlamalar týraly málimetter qamtylǵan ruqsattar men habarlamalardyń memlekettik aqparattyq júıesiniń quraýyshy; 22) ruqsattar jáne habarlamalar salasyndaǵy ýákiletti organ – ruqsattar men habarlamalar salasyndaǵy basshylyqty jáne salaaralyq úılestirýdi júzege asyratyn ortalyq memlekettik organ; 23) ruqsat berý nemese habarlama jasaý tártibiniń retteýshilik áserin taldaý (budan ári – retteýshilik áserdi taldaý) – keıinnen memlekettik retteý maqsattaryna qol jetkizýdi baǵalaýǵa múmkindik beretin, engiziletin ruqsat berý nemese habarlama jasaý tártibiniń paıdasy men shyǵyndaryn salystyrýdyń taldamalyq rásimi; 24) ruqsat berý nemese habarlama jasaý tártibin qatańdatý – ótinish berýshilerge, lısen­zıattarǵa nemese ekinshi sanattaǵy ruqsat­tardy ıelenýshilerge qosymsha talaptar, min­det­ter belgileý nemese júktemeni ózgeshe ulǵaıtý; 25) ruqsattar men habarlamalardyń memle­kett­ik aqparattyq júıesi – lısenzııalaý­dy, sáıkestendirý nómirin bere otyryp, ruqsat alý bóliginde ruqsat berý rásimderin elektrondyq túrde júzege asyrýǵa, ótinish berýshiniń habarlama jiberýine jáne osy prosesterdi qamtamasyz etýge arnalǵan, «elektrondyq úkimettiń» quraýyshy bolyp tabylatyn aqparattyq júıe; 26) ruqsattyń elektrondyq nysany – ruqsattar men habarlamalardyń memlekettik aqparattyq júıesin paıdalana otyryp resimdeletin jáne alynatyn, qaǵaz jetkizgishtegi ruqsatpen máni birdeı elektrondyq qujat nysanyndaǵy ruqsat; 27) tarıhı derekter – habarlamalardy qabyl­daýdy júzege asyratyn ruqsat berý organdary men memlekettik organdarda ruqsattar men habar­lamalardyń memlekettik elektrondyq tizilimin júrgizý múmkindigi ýaqytsha nemese udaıy bolmaǵan kezeńde berilgen nemese jiberilgen ruqsattar men habarlamalar týraly aqparat; 28) habarlama – Qazaqstan Respýblıkasynyń Úkimeti nemese Qazaqstan Respýblıkasynyń Ulttyq Banki bekitken nysan boıynsha ótinish berýshi jasaǵan, qyzmettiń nemese árekettiń júzege asyrylýynyń bastalǵany nemese toqtatylǵany týraly aqparat beretin qujat; 29) habarlama jasaý tártibi – qyzmetti nemese áreketterdi júzege asyrý bastalǵanǵa deıin jeke nemese zańdy tulǵanyń bul týraly osy Zańda belgilengen tártippen habarlamalardy qabyldaýdy júzege asyratyn memlekettik organdy habardar etý mindetin belgileý; 30) ilespe ruqsat – ótinish berýshige basqa ruqsatty berý úshin Qazaqstan Respýblıkasynyń zańnamasyna sáıkes mindetti shart bolyp tabylatyn ekinshi sanattaǵy ruqsat; 31) eksport jáne ımport salasyndaǵy ýákiletti organdar – eksport jáne ımport salasynda basshylyqty júzege asyratyn ortalyq memlekettik organdar. 2-bap. Qazaqstan Respýblıkasynyń ruqsattar jáne habarlamalar týraly zańnamasy 1. Qazaqstan Respýblıkasynyń ruqsattar jáne habarlamalar týraly zańnamasy Qazaqstan Respýblıkasynyń Konstıtýsııasyna negizdeledi jáne osy Zań men Qazaqstan Respýblıkasynyń ózge de normatıvtik quqyqtyq aktilerinen turady. 2. Eger Qazaqstan Respýblıkasy ratıfı­kasııa­laǵan halyqaralyq shartta osy Zańda kózdel­gennen ózgeshe qaǵıdalar belgilengen bolsa, onda halyqaralyq sharttyń qaǵıdalary qoldanylady. 3-bap. Osy Zańnyń qoldanylý salasy 1. Osy Zańnyń kúshi Qazaqstan Respýb­lıka­syndaǵy bir mezgilde mynadaı belgilerge sáıkes keletin barlyq ruqsattar men habarlamalarǵa qoldanylady: 1) jeke nemese zańdy tulǵa qyzmetti nemese áreketti (operasııany) júzege asyrýdy bastaý úshin – ruqsatty alǵan, al habarlamany jibergen bolýǵa tıis; 2) Qazaqstan Respýblıkasynyń normatıvtik quqyqtyq aktileriniń talaptaryna sáıkes ruqsat (ilespe ruqsattan basqa) alý jáne habarlama jiberý Qazaqstan Respýblıkasynyń zańnamasynda belgilengen tulǵalar toby úshin mindetti bolyp tabylady, al olardy almaı qyzmetti nemese áreketterdi (operasııa­lardy) júzege asyrý qylmystyq nemese ákimshilik jaýaptylyqqa ákep soǵady; 3) ruqsatty berýdi jáne habarlamany qabyldaýdy ýákiletti memlekettik organdar nemese ýákiletti memlekettik organdardyń laýazymdy adamdary júzege asyrady; 4) ruqsat alý, habarlama jiberý jónindegi mindet: jeke jáne zańdy tulǵalarǵa – jekeshe kásipkerlik sýbektilerine; retteletin kásibı qyzmetpen aınalysýǵa quqyq alatyn jeke tulǵalarǵa; jekeshe kásipkerlik sýbektileri bolyp tabylmaıtyn, biraq óziniń qyzmetin nemese áreketterin (operasııalaryn) júzege asyrý úshin jekeshe kásipkerlik sýbektileri sııaqty sondaı ruqsattardy alýǵa mindetti jeke jáne zańdy tulǵalarǵa júkteledi; 5) ruqsat berýdi júzege asyratyn organdar Qazaqstan Respýblıkasynyń zańdarynda, Qazaqstan Respýblıkasy Prezıdentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde belgilengen talaptarǵa sáıkestigin tekserýdi júrgizýge jáne Qazaqstan Respýblıkasynyń zańnamasynda belgilengen talaptarǵa sáıkes kelmegen jaǵdaılarda ruqsat berýden bas tartýǵa ýákiletti bolady. 2. Osy Zańnyń kúshi: 1) osy Zańǵa 1 jáne 2-qosymshalarda kózdel­me­gen, «Tehnıkalyq retteý týraly» Qazaqstan Res­pýb­lıkasynyń Zańynda belgilengen ruqsattarǵa; 2) zańdy tulǵalardy memlekettik tirkeýge jáne fılıaldar men ókildikterdi eseptik tirkeýge, zańdy tulǵalar qyzmetiniń toqtatylýyn memlekettik tirkeýge, fılıaldar men ókildikterdi eseptik tirkeýden shyǵarýǵa; 3) «Valıýtalyq retteý jáne valıýtalyq baqylaý týraly» Qazaqstan Respýblıkasynyń Zańyna sáıkes júzege asyrylatyn valıýtalyq operasııalardy tirkeýge jáne valıýtalyq operasııalar týraly jáne shetel bankinde shot ashý týraly habarlama jasaýǵa; 4) «Baǵaly qaǵazdar rynogy týraly» Qazaqstan Respýblıkasynyń Zańyna sáıkes baǵaly qaǵazdar emıtentteri usynatyn aqparat pen esepterdi qosa alǵanda, emıssııalyq baǵaly qaǵazdardy shyǵarýdy memlekettik tirkeýge, shet memleket aýmaǵynda rezıdent-uıymdardyń emıssııalyq baǵaly qaǵazdaryn shyǵarýǵa jáne (nemese) ornalastyrýǵa ruqsat berýge; 5) Qazaqstan Respýblıkasy Ulttyq Bankiniń normatıvtik quqyqtyq aktilerine sáıkes qarjy salasyndaǵy qyzmetti jáne qarjy resýrstaryn shoǵyrlandyrýǵa baılanysty qyzmetti júzege asyrý prosesinde baǵaly qaǵazdar emıtentteri men qarjy uıymdary jiberetin habarlamalarǵa (málimetterge); 6) «Qazaqstan Respýblıkasynyń memlekettik shekarasy týraly» Qazaqstan Respýblıkasynyń Zańynda belgilengen, osy Zańǵa 2-qosymshada kózdelmegen ruqsattarǵa; 7) tabıǵı monopolııalar salalarynda jáne retteletin naryqtarda tabıǵı monopolııalar sýbektileriniń tarıf belgileýdi retteý jáne retteletin naryq sýbektileriniń baǵa belgileý bóliginde basshylyqty júzege asyratyn ýákiletti organnyń áreketterine; 8) «Memlekettik qupııalar týraly» Qazaqstan Respýblıkasynyń Zańynda belgilengen ruqsattarǵa qoldanylmaıdy. 4-bap. Ruqsattar jáne habarlamalar salasyndaǵy memlekettik retteýdiń negizgi qaǵıdattary Ruqsattar jáne habarlamalar salasyndaǵy memlekettik retteýdiń negizgi qaǵıdattary mynalar bolyp tabylady: 1) tutynýshylar, kásipkerler jáne memleket múddeleriniń teńgerimi; 2) ruqsat berý nemese habarlama jasaý tártibin engizýdiń negizdiligi jáne tıimdiligi; 3) memlekettik organdar qyzmetiniń ashyqtyǵy jáne aqparatqa qoljetimdilik; 4) ózara jaýaptylyq; 5) sybaılas jemqorlyqtan azat bolý. 5-bap. Tutynýshylar, kásipkerler jáne memleket múddeleriniń teńgerimi 1. Ruqsat berý nemese habarlama jasaý tártibin engizý qyzmet nemese áreketter (operasııalar) qaýipsizdiginiń jetkilikti deńgeıin, kásipkerlerge obektıvti túrde qajetti eń az júkteme kezinde tutynýshylardyń quqyqtaryn barynsha tıimdi qorǵaýdy qamtamasyz etý maqsatynda júzege asyrylady. 2. Biliktilik jáne ruqsat berý talaptary ótinish berýshige, lısenzıatqa nemese ekinshi sanattaǵy ruqsatty ıelenýshige aldaǵy qyzmet jáne áreket (operasııa) nemese obekt qaýipsizdiginiń talap etiletin deńgeıin qamtamasyz etý úshin jetkilikti sandyq jáne sapalyq normatıvter men kórsetkishterdiń eń az qajetti jıyntyǵyn qamtamasyz etýge tıis. 3. Ruqsat berý organdarynyń Qazaqstan Respýblıkasynyń normatıvtik quqyqtyq aktilerinde tikeleı kózdelmegen qujattardy berýdi talap etýge quqyǵy joq. 6-bap. Ruqsat berý nemese habarlama jasaý tártibin engizýdiń negizdiligi jáne tıimdiligi 1. Ruqsat berý nemese habarlama jasaý tártibin engizýdiń negizdiligi jáne tıimdiligi memlekettik retteý maqsatyna qol jetkizýde negizdeýdiń, kelisýdiń jáne olardyń tıimdiligine monıtorıng júrgizýdiń mindetti rásimderin engizý arqyly qamtamasyz etiledi. 2. Ruqsattardy berý kezinde, sondaı-aq ózge jaǵdaılarda alynatyn alymdardyń nemese tólemderdiń mólsheri memlekettiń ruqsat berý tártibin ákimshilendirýge jumsalatyn shyǵyndaryn óteý qajettigine baılanysty aıqyndalýǵa tıis. Retteý shekteýshi sıpatta bolǵan jaǵdaıda Qazaqstan Respýblıkasynyń zańdarymen ruqsattar berý kezinde alymdardy nemese tólemderdi alý jáne olardyń mólsheri múlik senzi jáne naryqqa kirý úshin shekteý retinde, sondaı-aq qaýiptilik deńgeıi joǵary qyzmetke nemese shekteýli resýrstar nemese kvotany paıdalaný qyzmetine beriletin ruqsattarǵa qatysty kózdelýi múmkin. 3. Engizilgen ruqsat berý nemese habarlama jasaý tártibiniń júktemesi retteýshilik áserdi taldaý arqyly ólshenýge jáne baǵalanýǵa tıis. 4. Retteý quraldaryn tańdaý qyzmet túrlerine nemese áreketterge (operasııalarǵa) jáne jekeshe kásipkerlik sýbektilerine qatysty táýekelderdi baǵalaý jáne basqarý qaǵıdattary negizge alyna otyryp júzege asyrylady. Ártúrli jekeshe kásipkerlik sýbektileriniń aldaǵy qyzmetine nemese áreketine (operasııasyna) baılanys­ty qaýiptilik deńgeıine qaraı qyzmettiń bir túri nemese áreket (operasııa) sheńberinde ruqsat alý nemese habarlama jiberý jóninde talap belgilenýi múmkin. 5. Ruqsat berý tártibi, eger Qazaqstan Respýblıkasynyń zańdarynda kózdelgen ónimge qoıylatyn talaptar, sáıkestikti mindetti rastaý jónindegi talaptar memlekettik retteý maqsattaryna qol jetkizý úshin jetkiliksiz bolǵan jaǵdaılarda belgilenedi. 7-bap. Memlekettik organdar qyzmetiniń ashyqtyǵy jáne aqparattyń qoljetimdiligi 1. Qazaqstan Respýblıkasynyń zańnamalyq aktilerine ruqsattarǵa jáne (nemese) habarlama­larǵa qatysty ózgerister jáne (nemese) tolyq­tyrý­lar engizý osy ózgerister jáne (nemese) tolyq­tyrýlar jurtshylyqpen talqylanǵannan keıin júzege asyrylýǵa tıis. 2. Memlekettik organdarda bar, paıdalanylýy shektelmegen jáne múddeli adamdarǵa qajetti aqparat qoljetimdi bolýǵa tıis. 3. Memlekettik qupııalardy jáne zańmen qorǵa­latyn ózge de qupııany quraıtyn aqparatty qos­paǵanda, berilgen ruqsattar, jiberilgen habar­lamalar, ruqsattar berýdiń jáne habarlama­lar jiberýdiń sharttary týraly málimetter «elektrondyq úkimettiń» veb-portalynda jáne mem­lekettik organdardyń ınternet-resýrstarynda qazaq jáne orys tilderinde ornalastyrylýǵa tıis. 4. Ruqsat berý nemese habarlama jasaý tártibin engizýge jáne júzege asyrýǵa baılanysty barlyq rásimder men talaptar barlyq múddeli adamdar úshin túsinikti bolýǵa tıis. 8-bap. О́zara jaýaptylyq 1. Ruqsat berý arqyly memleket lısenzıattyń, ekinshi sanattaǵy ruqsatty ıelenýshiniń mem­lekettik retteý maqsattaryna sáıkes qaýipsizdiktiń eń tómen deńgeıin qamtamasyz etýin rastaıdy. 2. Alqaly túrde qaraý jáne (nemese) sheshim qabyldaý múmkindigi, ádette, ótinish berýshiniń tájirıbesin jáne (nemese) biliktiligin baǵalaýdy nemese basqa ótinish berýshilerdiń jaǵdaılarymen salystyrǵanda ótinish berýshiniń qyzmetti nemese áreketti (operasııany) júzege asyrýynyń neǵurlym úzdik jaǵdaıyn tańdaýdy júzege asyrý qajet bolǵan jaǵdaıda belgilenýi múmkin. 9-bap. Sybaılas jemqorlyqtan azat bolý 1. Ruqsat berý nemese habarlama jasaý tártibin engizý jáne júzege asyrý kezinde múddeler qaqtyǵysy jáne quqyqty tańdap qoldaný faktileri oryn almaýǵa tıis. 2. Ruqsat berý rásimderin júzege asyrý tártibin reglamentteıtin normatıvtik quqyqtyq aktilerdi qabyldaý kezinde lısenzııalaý jáne ruqsat berý rásimderi prosesinde jeke jáne zańdy tulǵalardyń memlekettik organdarmen baılanystaryn shekteý maqsatynda, ádette, «bir tereze» qaǵıdatyn qoldaný kózdeledi, bul rette memlekettik organdardan alynatyn barlyq qajetti kelisýlerdi ruqsat beretin organdardyń ózderi alýǵa tıis. 3. Jeke jáne zańdy tulǵalardan osy Zańda kóz­delmegen ruqsattardyń nemese habarla­malardyń bolýyn talap etýge eshkim de quqyly emes. 2-taraý. RUQSATTAR JÁNE HABARLAMALAR SALASYNDAǴY MEMLEKETTIK RETTEÝ JÚIESI 10-bap. Qazaqstan Respýblıkasy Úkimetiniń quzyreti Qazaqstan Respýblıkasy Úkimetiniń quzyretine: 1) ruqsattar jáne habarlamalar salasyndaǵy memlekettik saıasattyń negizgi baǵyttaryn ázirleý; 2) lısenzıarlardy, lısenzııa berýge kelisýdi júzege asyratyn memlekettik organdardy aıqyndaý; oıyn bıznesi salasyndaǵy lısenzııalanatyn qyzmet túrlerine biliktilik talaptaryn jáne qujattar tizbesin qospaǵanda, biliktilik talaptary men olarǵa sáıkestikti rastaıtyn qujattar tizbesin bekitý; 3) lısenzııany jáne (nemese) lısenzııaǵa qosymshany alýǵa jáne qaıta resimdeýge arnalǵan ótinishter nysandaryn, lısenzııanyń jáne (nemese) lızensııaǵa qosymshanyń nysanyn bekitý; 4) ekinshi sanattaǵy ruqsattardy berýge ýákiletti organdardy, ekinshi sanattaǵy ruqsatty berýdi kelisýdi júzege asyratyn memlekettik organdardy aıqyndaý jáne ruqsat berý talaptary men olarǵa sáıkestikti rastaıtyn qujattar tizbesin bekitý; 5) ekinshi sanattaǵy ruqsattardy alýǵa arnalǵan ótinishter nysandaryn, ekinshi sanattaǵy ruqsattar nysandaryn bekitý; 6) ruqsat berý rásimderin júzege asyrý qaǵıdalaryn jáne osy Zańda ruqsat berý tártibi engizilgen qyzmetti nemese áreketterdi (operasııalardy) júzege asyrý qaǵıdalaryn bekitý; 7) habarlamalardyń nysandaryn jáne memlekettik organdardyń habarlamalardy qabyldaý qaǵıdalaryn bekitý, habarlamalardy qabyldaýdy júzege asyratyn memlekettik organdardy aıqyndaý; 8) óndirilýi, qaıta óńdelýi, tasymaldanýy, satyp alynýy, saqtalýy, ótkizilýi, paıdalanylýy jáne joıylýy lısenzııalanýǵa jatatyn ýlardyń tizbesin bekitý; 9) ruqsattar men habarlamalardyń memlekettik elektrondyq tizilimin júrgizý qaǵıdalaryn bekitý; 10) ruqsat berý nemese habarlama jasaý tártibiniń retteýshilik áserine taldaý júrgizý jáne ony paıdalaný qaǵıdalaryn bekitý; 11) ruqsattar men habarlamalardyń memlekettik aqparattyq júıesiniń jumys isteý qaǵıdalaryn jáne onyń fýnksıonaldyq mindetterin bekitý; 12) ózine Konstıtýsııada, osy Zańda, Qazaqstan Respýblıkasynyń ózge de zańdarynda jáne Qazaqstan Respýblıkasy Prezıdentiniń aktilerinde júktelgen ózge de fýnksııalardy oryndaý jatady. 11-bap. Ruqsattar jáne habarlamalar salasyndaǵy ýákiletti organnyń quzyreti Ruqsattar jáne habarlamalar salasyndaǵy ýákiletti organnyń quzyretine: 1) ruqsattar jáne habarlamalar salasyndaǵy memlekettik saıasatty iske asyrý; 2) damý prosesin basqarý, qoljetimdilik qu­qyqtaryn belgileý, ruqsattar men habar­lama­lardyń memlekettik elektrondyq tiziliminiń jumys isteýin qamtamasyz etý; 3) lısenzııany jáne (nemese) lısenzııaǵa qosymshany alýǵa jáne qaıta resimdeýge arnalǵan ótinishter nysandaryn, lısenzııanyń jáne (nemese) lısenzııaǵa qosymshanyń nysanyn ázirleý; 4) habarlama nysanyn jáne memlekettik organdardyń habarlamalardy qabyldaý qaǵıdalaryn bekitý týraly, sondaı-aq habarlamalardy qabyldaýdy júzege asyratyn memlekettik organdardy aıqyndaý týraly normatıvtik quqyqtyq aktiniń jobasyn ázirleý; 5) ruqsat berý nemese habarlama jasaý tártibiniń retteýshilik áserine taldaý júrgizý jáne ony paıdalaný qaǵıdalaryn ázirleý; 6) retteýshilik áserge taldaýdy júzege asyrý máseleleri boıynsha ádistemelik kómek kórsetý jáne retteýshi memlekettik organdardyń qyzmetin úılestirý; 7) retteýshi memlekettik organdardyń retteý­shilik áserdi taldaý rásimderin saqtaýyn baǵalaýdy júzege asyrý; 8) retteýshi memlekettik organdardyń retteý­shilik áserdi taldaý jónindegi jumysynyń jaı-kúıi týraly esepterin qaraý; 9) Qazaqstan Respýblıkasynyń Úkimetine retteýshi memlekettik organdardaǵy retteýshilik áserdi taldaý jónindegi jumystyń jaı-kúıi týraly esepti daıyndaý; 10) retteýshi memlekettik organdar daıyndaıtyn retteýshilik áserdi taldaýlardyń nátıjelerine saraptamalyq qorytyndylar berý jáne olardy Qazaqstan Respýblıkasynyń Úkimetine jiberý; 11) memlekettik qyzmetshilerdi jáne ózge de adamdardy retteýshilik áserdi taldaýdy engizý jáne júzege asyrý máseleleri boıynsha oqytýdy uıymdastyrý; 12) avtomattandyrýǵa jatatyn jáne jatpaıtyn ruqsattar tizbesin bekitý týraly aqparattandyrý salasyndaǵy ýákiletti organmen birlesken buıryqty bekitý; 13) ruqsattar men habarlamalardyń memlekettik elektrondyq tizilimin júrgizý qaǵıdalaryn ázirleý; 14) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilet­tikterdi júzege asyrý jatady. 12-bap. Retteýshi memlekettik organdardyń quzyreti 1. Retteýshi memlekettik organdardyń quzyretine: 1) lısenzıarlardy, lısenzııa berýdi kelisýdi júzege asyratyn memlekettik organdardy aıqyn­daý týraly, sondaı-aq oıyn bıznesi sala­syn­daǵy lısenzııalanatyn qyzmet túrlerine qoıylatyn biliktilik talaptary men qujattar tizbesin qospaǵanda, biliktilik talaptary men olarǵa sáıkestikti rastaıtyn qujattar tizbesin bekitý týraly normatıvtik quqyqtyq aktiler jobalaryn ázirleý jáne ruqsattar jáne habarlamalar salasyndaǵy ýákiletti organmen jáne aqparattandyrý salasyndaǵy ýákiletti organmen kelisý; 2) ekinshi sanattaǵy ruqsattardy berýge ýákiletti organdardy, ekinshi sanattaǵy ruqsattardy berýdi kelisýdi júzege asyratyn memlekettik organdardy aıqyndaý týraly, sondaı-aq ruqsat berý talaptary men olarǵa sáıkestikti rastaıtyn qujattar tizbesin bekitý týraly normatıvtik quqyqtyq aktiler jobalaryn ázirleý jáne ruqsattar jáne habarlamalar salasyndaǵy ýákiletti organmen jáne aqparattandyrý salasyndaǵy ýákiletti organmen kelisý; 3) ekinshi sanattaǵy ruqsatty alýǵa arnalǵan ótinishterdiń nysandaryn, ekinshi sanattaǵy ruqsattardyń nysandaryn ázirleý jáne ruqsattar jáne habarlamalar salasyndaǵy ýákiletti organmen jáne aqparattandyrý salasyndaǵy ýákiletti organmen kelisý; 4) ruqsat berý rásimderin júzege asyrý qaǵıda­larynyń jáne osy Zańda ruqsat berý tártibi engizilgen qyzmetti nemese áreketterdi (operasııalardy) júzege asyrý qaǵıdalarynyń joba­laryn ázirleý jáne ruqsattar jáne habarlamalar salasyndaǵy ýákiletti organmen jáne aqparat­tandyrý salasyndaǵy ýákiletti organmen kelisý; 5) retteýshilik áserdi taldaýdy júzege asyrý; 6) retteýshilik áserdi taldaý jónindegi jumystyń jaı-kúıi týraly esepterdi daıyndaý jáne ruqsattar jáne habarlamalar salasyndaǵy ýákiletti organǵa usyný; 7) jeke jáne zańdy tulǵalardyń ótinishteri boıynsha olardyń naqty qyzmet túrlerin nemese áreketterdi (operasııalardy) júzege asyrýǵa arnalǵan ruqsattardy alý qajettigi nemese alý qajettiginiń joqtyǵy týraly qorytyndy berý; 8) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń, Qazaqstan Respýblıkasy Úkimetiniń jáne Qazaqstan Respýblıkasy Ulttyq Bankiniń aktilerinde kózdelgen ózge de ókilettikterdi júzege asyrý jatady. 2. Qarjy salasyndaǵy qyzmet jáne qarjy resýrs­taryn shoǵyrlandyrýǵa baılanysty qyzmet úshin biliktilik talaptaryn jáne olarǵa sáıkestikti rastaıtyn qujattardyń tizbesin, lısenzııalardy alýǵa arnalǵan ótinishterdiń nysandaryn jáne lısenzııanyń jáne (nemese) lısenzııaǵa qosymshanyń nysandaryn, ruqsat berý talaptary men olarǵa sáıkestikti rastaıtyn qujattardyń tizbesin, ekinshi sanattaǵy ruqsattardy alýǵa arnalǵan ótinishterdiń nysandaryn jáne ekinshi sanattaǵy ruqsattardyń nysandaryn, ruqsat berý rásimderin júzege asyrý qaǵıdalaryn jáne osy Zańda ruqsat berý tártibi engizilgen qyzmetti nemese áreketterdi (operasııalardy) júzege asyrý qaǵıdalaryn, habarlamalardyń nysandaryn jáne osy Zańda habarlama jasaý tártibi engizilgen habarlamalardy qabyldaý tártibin ruqsattar jáne habarlamalar salasyndaǵy ýákiletti organmen jáne aqparattandyrý salasyndaǵy ýákiletti organmen kelisim boıynsha Qazaqstan Respýblıkasynyń Ulttyq Banki ázirleıdi jáne bekitedi. 13-bap. Ruqsat berý organdarynyń quzyreti Ruqsat berý organdarynyń quzyretine: 1) ótinish berýshiniń biliktilik nemese ruqsat berý talaptaryna sáıkestigin belgileý; 2) lısenzııalaýdy nemese ruqsat berý rásimderin júzege asyrý; 3) ruqsattyq baqylaýdy júzege asyrý; 4) memlekettik qupııalardy jáne zańmen qorǵalatyn ózge de qupııany quraıtyn aqparatty, azamattyq jáne qyzmettik qarýdy jáne oǵan patrondardy, azamattyq pırotehnıkalyq zattardy jáne olar qoldanylyp jasalǵan buıymdardy satyp alýǵa arnalǵan ruqsattardy, eńbekshi kóship qonýshylarǵa arnalǵan ruqsattardy qospaǵanda, ruqsattar men habarlamalardyń memlekettik elektrondyq tizilimin júrgizý; 5) ruqsat berý rásimderin jáne lısenzııalaýdy ruqsattar men habarlamalardyń memlekettik aqparattyq júıesi arqyly onyń jumys isteý qaǵıdalaryna sáıkes elektrondyq túrde júzege asyrý; 6) memlekettik organdarǵa ótinish berýshiniń Qazaqstan Respýblıkasy zańnamasynyń talaptaryna sáıkestigi bóliginde ruqsat berýdi kelisý týraly saýal jiberý; 7) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń, Qazaqstan Respýblıkasy Úkimetiniń jáne Qazaqstan Respýblıkasy Ulttyq Bankiniń aktilerinde kózdelgen ózge de ókilettikterdi júzege asyrý jatady. 14-bap. Habarlamalar qabyldaýdy júzege asyratyn memlekettik organdardyń quzyreti Habarlamalar qabyldaýdy júzege asyratyn memlekettik organdardyń quzyretine: 1) habarlamalardy qabyldaý; 2) ruqsattar men habarlamalardyń memlekettik elektrondyq tizilimin júrgizý; 3) habarlama jasaý tártibin ruqsattar men habarlamalardyń memlekettik aqparattyq júıesi arqyly onyń jumys isteý qaǵıdalaryna sáıkes elektrondyq túrde júzege asyrý; 4) ótinish berýshiniń Qazaqstan Respýblıkasynyń zańdarynda, Qazaqstan Respýblıkasy Prezı­dentiniń jarlyqtarynda, Qazaqstan Respýblıkasy Úkimetiniń qaýlylarynda nemese Qazaqstan Respýblıkasy Ulttyq Bankiniń normatıvtik quqyqtyq aktilerinde belgilengen talaptardy saqtaýyn tekserý; 5) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń, Qazaqstan Respýblıkasy Úkimetiniń jáne Qazaqstan Respýblıkasy Ulttyq Bankiniń aktilerinde kózdelgen ózge de ókilettikterdi júzege asyrý jatady. 15-bap. Aqparattandyrý salasyndaǵy ýákiletti organnyń quzyreti Aqparattandyrý salasyndaǵy ýákiletti organnyń quzyretine: 1) avtomattandyrýǵa jatatyn jáne jatpaıtyn ruqsattardyń tizbesin bekitý týraly birlesken buıryqty ruqsattar jáne habarlamalar salasyndaǵy ýákiletti organmen birge ázirleý jáne bekitý; 2) ruqsattar men habarlamalardyń memlekettik aqparattyq júıesiniń jumys isteý qaǵıdalaryn ázirleý jáne ruqsattar jáne habarlamalar salasyndaǵy ýákiletti organmen kelisý; 3) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrý jatady. 3-taraý. QYZMETTI NEMESE ÁREKETTERDI (OPERASIIаLARDY) JÚZEGE ASYRÝDYŃ RUQSAT BERÝ JÁNE HABARLAMA JASAÝ TÁRTIBI 16-bap. Retteletin qyzmettiń nemese áreketterdiń (operasııalardyń) qaýiptilik deńgeıleri 1. Ruqsat berý nemese habarlama jasaý tártibi alda júzege asyrylatyn qyzmettiń nemese áreketterdiń (operasııalardyń) qaýiptilik deńgeıine qaraı engiziledi jáne mynadaı deńgeılerge bólinedi: 1) birinshi sanattaǵy ruqsattar – joǵary deńgeıli qaýiptilikke baılanysty qyzmet túrlerine (kishi túrlerine) nemese áreketterge (operasııalarǵa) qatysty engiziletin lısenzııalar; 2) ekinshi sanattaǵy ruqsattar – lısenzııalar bolyp tanylmaıtyn, orta deńgeıli qaýiptilikke baılanysty qyzmet túrlerine (kishi túrlerine) nemese áreketterge (operasııalarǵa) qatysty engiziletin barlyq ruqsattar; 3) habarlamalar tómen deńgeıli qaýiptilikke baılanysty, biraq memlekettik organdardyń osyndaı qyzmet túrleriniń nemese áreketterdiń bastalǵandyǵy nemese toqtatylǵandyǵy týraly aqparat alýyn talap etetin qyzmet túrlerine nemese áreketterge qatysty engiziledi. 2. Qyzmettiń nemese áreketterdiń (opera­sııalardyń) qaýiptilik deńgeıleri retteýshilik áserdi taldaý negizinde belgilenedi. 17-bap. Ruqsat berý jáne habarlama jasaý tártipteri týraly jalpy erejeler 1. Jeke jáne zańdy tulǵalardyń jekelegen qyzmet túrlerin nemese áreketterdi (operasııalardy) júzege asyrýdy bastaý jáne keıinnen júzege asyrý úshin jaramdy ruqsatynyń bolýy nemese osy Zańda belgilengen tártippen habarlamalar qabyldaýdy júzege asyratyn memlekettik organdarǵa habarlama jiberýge mindetti. 2. Jeke jáne zańdy tulǵalardyń osy Zańda ruqsat berý nemese habarlama jasaý tártibi belgilengen qyzmetti nemese áreketterdi (operasııalardy) tıisti ruqsatty almaı nemese tıisti habarlamany jibermeı júzege asyrýyna jol berilmeıdi. Osy Zańda ózderine qatysty ruqsat berý nemese habarlama jasaý tártibi belgilengen qyzmetti nemese áreketti (operasııany) júzege asyrý bas­talǵanǵa deıin jeke nemese zańdy tulǵalar ruq­satty alýǵa jáne ol jaramdy bolýǵa tıis, al habarlamany jeke nemese zańdy tulǵa jiberýge tıis. 3. Osy Zańǵa sáıkes ózderine qatysty ruqsat berý nemese habarlama jasaý tártibi engizilgenge deıin qyzmetti nemese áreketti (operasııany) ruqsatsyz nemese habarlamasyz júzege asyryp kelgen jeke jáne zańdy tulǵalar osy Zańda ózderine qatysty ruqsat berý nemese habarlama jasaý tártibi engiziletin qyzmetti nemese áreketti (operasııany) júzege asyrýdy jalǵastyrý úshin tıisti ruqsatty alýǵa nemese tıisti habarlama jiberýge mindetti. 4. Osy baptyń 1 jáne 2-tarmaqtary osy Zańnyń 18-baby 5-tarmaǵynyń birinshi bóliginde jáne 28-babynyń 2-tarmaǵynda kózdelgen jaǵdaılarǵa qoldanylmaıdy. 5. Osy Zańda ruqsat berý nemese habarlama jasaý tártibin belgileý adamdardyń ómiri men densaýlyǵyn, qorshaǵan ortany, menshikti qorǵaý, ulttyq qaýipsizdikti jáne quqyq tártibin qamtamasyz etý maqsatynda qyzmettiń nemese árekettiń (operasııanyń) qaýiptilik deńgeıine qaraı júrgiziledi. 6. Osy Zańǵa 1, 2 jáne 3-qosymshalarda ruqsat­tar­dyń jáne habarlamalardyń tolyq tizbesi kóz­deledi. 7. Ruqsattarǵa, sondaı-aq olarǵa qosymshalarǵa qatysty berý, uzartý, qaıta resimdeý, qaıta bastaý jáne Qazaqstan Respýblıkasynyń zańnamasynda kózdelgen basqa da áreketterdi júzege asyrý memlekettik kórsetiletin qyzmetter bolyp tabylady jáne osy Zańǵa qaıshy kelmeıtin bóliginde «Memlekettik kórsetiletin qyzmetter týraly» Qazaqstan Respýblıkasynyń Zańymen retteledi. 18-bap. Ruqsat berý nemese habarlama jasaý tártibin engizý jáne onyń kúshin joıý tártibi 1. Ruqsat berý nemese habarlama jasaý tártibi tıisti ruqsatty nemese habarlamany osy Zańǵa 1, 2 jáne 3-qosymshalarda kózdelgen ruqsattar nemese habarlamalar tizbelerine engizý arqyly ǵana engiziledi. 2. Ruqsat berý nemese habarlama jasaý tártibin engizý úshin retteýshi memlekettik organdar ret­teý­shilik áserdi taldaý rásimin aldyn ala júrgizýge tıis. Osy tarmaqtyń kúshi Qazaqstan Respýblıkasynyń Ulttyq Bankine qoldanylmaıdy. 3. Buryn ruqsat berý tártibine jatqyzylmaǵan qyzmetke nemese áreketke (operasııaǵa) qatysty ruqsat berý tártibi engizilgen kezde ruqsat alý mindeti qyzmetti nemese áreketti (operasııany) júzege asyratyn jeke nemese zańdy tulǵada ruqsat alý tártibin reglamentteıtin jáne (nemese) ruqsat alý úshin mindetti talaptardy belgileıtin normatıvtik quqyqtyq akt qoldanysqa engizilgen kúnnen bastap týyndaıdy. 4. Ruqsat alý tártibin reglamentteıtin, ruqsat berý nemese biliktilik talaptaryn jáne (nemese) ótinish berýshilerdiń osyndaı talaptarǵa sáı­kestigin rastaıtyn qujattar tizbesin bekitetin nor­matıvtik quqyqtyq aktiler alǵashqy resmı jarııalanǵan kúninen keıin kúntizbelik jıyrma bir kún ótkenge deıin qoldanysqa engizile almaıdy. Buryn ruqsat berý tártibine jatqyzylmaǵan qyzmetke nemese áreketterge (operasııalarǵa) qatysty ruqsat berý tártibi engizilgen jaǵdaı­da, ótinish berýshiler ruqsat alý tártibin reglamentteıtin, ruqsat berý nemese biliktilik talaptaryn jáne (nemese) ótinish berýshilerdiń osyndaı talaptarǵa sáıkestigin rastaıtyn qujattar tizbesin bekitetin normatıvtik quqyqtyq aktiler qoldanysqa engizilgenge deıin, biraq kórsetilgen aktiler qoldanysqa engizilgenge deıin bes jumys kúninen keshiktirmeı ruqsat alýǵa ótinish berýge quqyly. Bul rette osy tarmaqtyń ekinshi bóligine sáıkes berilgen ótinishter boıynsha ruqsattar berýdi nemese olardy berýden ýájdi túrde bas tartýdy ruqsat berý organdary osy tarmaqtyń birinshi bóliginde kórsetilgen normatıvtik quqyqtyq aktiler qoldanysqa engizilgennen keıin, olardy berý úshin belgilengen merzimderde jáne tártippen júzege asyrýǵa tıis. 5. Osy baptyń 4-tarmaǵyna sáıkes ruqsat alýǵa ótinish bergen ótinish berýshiler ruqsat berilgenge deıin nemese ony berýden ýájdi túrde bas tartylǵanǵa deıin ruqsat berý tártibi engizilgen qyzmetti nemese áreketti (operasııany) ruqsaty bolmaı-aq júzege asyrýǵa quqyly. Osy tarmaqtyń kúshi qarjy salasyndaǵy qyzmetke jáne qarjy resýrstaryn shoǵyrlan­dy­rýǵa baılanys­ty qyzmetke beriletin ruqsattarǵa qoldanylmaıdy. 6. Ruqsat berý nemese habarlama jasaý tár­tibi­niń kúshin joıý osy Zańǵa 1, 2 jáne 3-qosym­shalarda kózdelgen ruqsattar men habarlamalar tizbelerinen ruqsatty nemese habarlamany alyp tastaý arqyly júzege asyrylady jáne jeke nemese zańdy tulǵanyń qyzmetti nemese áreketti (operasııany) ruqsaty bolmaı-aq nemese habarlama jibermeı-aq júzege asyrý quqyǵyna ákep soǵady. 19-bap. Retteýshilik áserdi taldaý 1. Aıqyndalǵan maqsattarǵa qol jetkizý nemese naqty aıqyndalǵan problemalardy sheshý úshin balamaly retteý tásilderin tańdaý arqyly ruqsattar jáne habarlamalar salasyndaǵy memlekettik saıasattyń pármendiligi men tıimdiligin arttyrý retteýshilik áserdi taldaýdyń maqsaty bolyp tabylady. 2. Retteýshilik áserdi taldaý ruqsat berý nemese habarlama jasaý tártibi engizilgenge deıin jáne engizilgennen keıin júrgiziledi. 3. Retteýshilik áserdi taldaýǵa: 1) ruqsat berý nemese habarlama jasaý tártibin engizýdi nemese qatańdatýdy kózdeıtin memlekettik josparlaý júıesi qujattarynyń jobalary; 2) Qazaqstan Respýblıkasynyń ruqsat berý nemese habarlama jasaý tártibin engizýdi nemese qatańdatýdy kózdeıtin zańdary jobalarynyń tujyrymdamalary; 3) Qazaqstan Respýblıkasynyń ruqsat berý nemese habarlama jasaý tártibin engizýdi nemese qatańdatýdy kózdeıtin zańdarynyń jobalary; 4) osy Zańnyń 10-babynyń 2), 4) jáne 6) tar­maqshalarynda kózdelgen Qazaqstan Respýblıkasy Úkimeti qaýlylarynyń jobalary jatady. 4. Retteýshilik áserdi taldaýdyń nátıjeleri boıynsha ruqsat berý nemese habarlama jasaý tártibin qoldanýdyń tıimdiligine qaraı ruqsattardyń nemese habarlamalardyń jekelegen túrleri bir túrden ekinshi túrge aýystyrylýy ne olardyń kúshi joıylýy múmkin. Júzege asyrylýy úshin osy Zańǵa sáıkes ruqsattyń bolýy nemese habarlama jiberý talap etiletin qyzmetti nemese áreketterdi (operasııalardy) memlekettik retteý maqsattaryna qol jetkizilmegen jaǵdaıda, ruqsat berý nemese habarlama jasaý tártibiniń kúshi joıylýǵa jatady. 5. Qazaqstan Respýblıkasynyń Úkimeti Qazaqstan Respýblıkasynyń ruqsattar jáne habarlamalar týraly zańnamasyn jetildirý jáne Qazaqstan Respýblıkasynyń Úkimeti aıqyndaıtyn basqa da mindetter men fýnksııalardy oryndaý máseleleri jónindegi usynystar men usynymdardy tujyrymdaý maqsatynda konsýltatıvtik-keńesshi organ – Kásipkerlik qyzmetti retteý máseleleri jónindegi vedomstvoaralyq komıssııa qurady. Jańa ruqsat berý nemese habarlama jasaý tártibin engizý Kásipkerlik qyzmetti retteý máseleleri jónindegi vedomstvoaralyq komıssııanyń otyrysynda q