Jıynda kompanııanyń damý josparyn iske asyrý nátıjeleri jáne birqatar uıymdastyrýshylyq másele qaraldy.
Ulttyq kompanııanyń basqarma tóraǵasy Meıirjan Iýsýpov ótken jyly kompanııa damý kórsetkishterin, onyń ishinde qarjylyq jáne ınvestısııalyq jobalardy iske asyrý jónindegi kórsetkishterdi oryndaǵanyn baıandady.
Bıyl «Kazakh Invest» qoldaýymen jalpy somasy $6 mlrd-tan asatyn shamamen 45 jobany iske asyrý jáne paıdalanýǵa berý josparlanýda.
Premer-Mınıstr sheteldik ınvestısııalar úshin jahandyq kúres jaǵdaıynda «Kazakh Invest» aldynda Qazaqstan ekonomıkasyna iri korporasııalardy tartý jáne jańa ınvestısııalyq jobalardy iske asyrý boıynsha mańyzdy mindetter turǵanyn atap ótti.
«Bul baǵytta tıisti múmkindikterdi paıdalanyp, sheteldik ınvestorlarmen proaktıvti túrde jumys júrgizý kerek. Bul úshin Úkimet tarapynan barlyq jaǵdaı jasalǵan», dedi Álıhan Smaıylov.
Sonymen qatar otyrysta Qazaqstannyń 2026 jylǵa deıingi ınvestısııalyq saıasatynyń tujyrymdamasyna sáıkestendirý úshin kompanııanyń 2018-2027 jyldarǵa arnalǵan damý strategııasyna ózgerister men tolyqtyrýlar engizý máselesi qaraldy. Tujyrymdamaǵa sáıkes, jyl saıyn shamamen $25 mlrd tikeleı sheteldik ınvestısııalar aǵynyn qamtamasyz etý kózdelip otyr.
