Qazaqstan • 30 Qyrkúıek, 2022

Prezıdent Is basqarýshysynyń orynbasary qyzmetinen bosatyldy

63 ret kórsetildi

Talǵat Amangeldiuly Jaqan Qazaqstan Respýblıkasy Prezıdenti Is basqarýshysynyń orynbasary laýazymynan bosatyldy, dep habarlaıdy Egemen.kz Aqordanyń baspasóz qyzmetine silteme jasap.

«Memleket basshysynyń ókimimen Talǵat Amangeldiuly Jaqan Qazaqstan Respýblıkasy Prezıdenti Is basqarýshysynyń orynbasary laýazymynan bosatyldy», delingen habarlamada.

Talǵat Jaqan 1965 jyly 7 qańtarda Almaty qalasynda dúnıege kelgen.

1987 jyly Almaty halyq sharýashylyǵy ınstıtýtyn «ekonomıst» mamandyǵy boıynsha bitirgen. 2018 jyly Reseı Federasııasy Syrtqy ister mınıstrliginiń Dıplomatııalyq akademııasyn bitirdi, ekonomıka magıstri.

1988-1992 jyldary Qaztutynýodaǵy respýblıkalyq esepteý ortalyǵynyń esepteý tehnıkasyn engizý bóliminiń ınjeneri, ekonomısi bolyp jumys istedi.

1992-1996 jyldary Qazaqstan Respýblıkasy Qarjy Mınıstrligi janyndaǵy Qarjy-valıýtalyq baqylaý Komıteti basqarmasynyń bas baqylaýshy-tekserýshisi boldy.

1996-2007 jyldary Qazaqstan Respýblıkasy Syrtqy ister mınıstrliginiń bas mamany, bólim bastyǵy, valıýta-qarjy departamenti dırektorynyń orynbasary qyzmetterin atqardy.

2007 jyly Qazaqstan Respýblıkasy Syrtqy ister mınıstriniń keńesshisi boldy.

2007-2010 jyldary Qazaqstan Respýblıkasy Parlamenti Senaty Apparaty Basshysynyń orynbasary qyzmetin atqardy.

2010 jyldan 2012 jylǵa deıin Qazaqstan Respýblıkasy Premer-Mınıstri Keńsesiniń makroekonomıkalyq taldaý jáne baǵdarlamalyq monıtorıng bólimin basqardy.

2012 jyly Qazaqstan Respýblıkasy Premer-Mınıstriniń keńesshisi boldy.

2012-2014 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory bolyp jumys istedi.

2014 jyldan 2016 jylǵa deıin TMD Atqarýshy komıtetiniń qarjy departamentiniń dırektory qyzmetin atqardy.

2016 jyldan 2021 jylǵa deıin respýblıkalyq bıýdjettiń atqarylýyn baqylaý jónindegi esep komıtetiniń múshesi boldy.

2021-2022 jyldary QR Prezıdenti Is basqarmasy janyndaǵy «Materıaldyq-tehnıkalyq qamtamasyz etý basqarmasy» MM basshysy boldy.

2022 jyly Qazaqstan Respýblıkasy Prezıdentiniń Is basqarýshysynyń orynbasary bolyp jumys istedi.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar