Eýrazııalyq ekonomıkalyq odaq ǵarysh salasyn ıgerýdi qoldaıdy

ASTANA. 20 mamyr. Eýrazııalyq ekonomıkalyq odaq elimizdiń ǵarysh salasy boıynsha  kelisimshart jasasqan barlyq memlekettermen yntymaqtastyǵyn qoldaıdy. Bul týraly «QazAqparat» habarlady. Elimizde sońǵy 7 jyl ishinde beıbitshilik maqsatynda ǵaryshty ıgerýge qatysty16 kelisim men yntymaqtastyq týraly qujatqa qol qoıylǵan. Sonyń nátıjesinde kóptegen memlekettermen halyqaralyq ornyqty qarym-qatynas qalyptasty. Osy 16 kelisim qujattarynyń 5-eýi Ýkraına, Reseı, Izraıl, Fransııa jáne Qytaı memleketterine qatysty. Bular úkimetaralyq deńgeıde kelisilgen. Al qalǵan 11 kelisim-shart  Úndistan, Japonııa, Germanııa, Koreıa, Birikken Arab Ámirligi, Saýd Arabııa Koroldigi, Taıland, Ulybrıtanııa, Shvesııa, Nıderlandy syndy elderdiń ǵylymı ǵarysh ortalyqtarynyń qatysýymen túzilgen. Ulttyq ǵarysh agenttiginiń tóraǵasy Erkin Shaımaǵambetovtiń aıtýynsha, Eýrazııalyq ekonomıkalyq odaq sheńberinde ǵarysh keńistigin paıdalaný jáne zertteý salasy boıynsha tarıftik jeńildikter qarastyrylyp otyr. Sondaı-aq, ǵaryshtyq apparattardy ushyrýǵa da múmkindikter bar. Erkin Shaımaǵambetov: « «QazSat» jerserigi, jerdi qashyqtyqtan zondtaý ǵaryshtyq júıesi sııaqty qymbat jobalar  úshin memlekettik bıýdjetten aıtarlyqtaı qoldaý bolady», – dedi. Aǵymdaǵy jyly Eýrazııalyq ekonomıkalyq odaq aıasynda Belarýs elimen ǵarysh keńistigin paıdalaný jáne zertteý salasyndaǵy úkimetaralyq kelisimge qol qoıý josparlanyp otyr. Joldybaı Bazar. Derekkóz: «QazAqparat». Foto: Newskaz.kz.