Parlament • 01 Qazan, 2022

Sorttyq tuqymdar Qazaqstanǵa shetelden keledi - Aqylbek Kúrishbaev

74 ret kórsetildi

Otandyq aýylsharýashylyǵy ónimderi baǵasynyń joǵary bolýy deldaldardyń kóptiginen ǵana emes, sonymen birge ónimderdiń ózindik qunynyń joǵary bolýyna da baılanysty, dep habarlaıdy Egemen.kz.

Tabıǵı-klımattyq jaǵdaılary birdeı elderge qaraǵanda Qazaqstanda aýyl sharýashylyǵy daqyldarynyń ónimdiligi áldeqaıda tómen. Senator ónimdiligi joǵary jáne qurǵaqshylyqqa tózimdi sorttar men býdandardyń elimizdegi jetispeýshiligi - onyń basty sebebi dep sanaıdy.

Qazaq eginshilik jáne ósimdik sharýashylyǵy ǵylymı-zertteý ınstıtýtynda ótken kezdesý barysynda otandyq jáne sheteldik jetekshi ǵalymdar elimizde seleksııa men tuqym sharýashylyǵyn jedel damytý úshin qandaı sharalar qoldaný kerektigin talqylady.

Aqylbek Kúrishbaevtyń aıtýynsha, qazirgi ýaqytta sorttyq tuqymdardyń 60%-y, al birqatar aýyl sharýashylyǵy daqyldarynyń 100%-y Qazaqstanǵa shetelden, kóbinese Reseı Federasııasynan ákelinedi. Osylaısha, depýtat elde azyq-túlik qaýipsizdiginiń negizi buzyldy dep sanaıdy.

«Sanksııalyq teketirestiń qazirgi jaǵdaıynda bizdiń áriptesterimiz suryptyq tuqym eksportyn toqtatatyn bolsa, onda Qazaqstannyń aýyl sharýashylyǵy sapaly tuqym materıalynsyz qalýy múmkin», dedi senator.

Sarapshylar sheteldik úzdik seleksııalyq jańalyqtardy transfertteý jáne beıimdeýge baılanysty  elimizdiń soltústiginde – Baraev atyndaǵy astyq sharýashylyǵynyń ǴО́O bazasynda jáne ońtústiginde – Qazaq eginshilik jáne ósimdik sharýashylyǵy ǵylymı-zertteý ınstıtýtynyń bazasynda qazirgi zamanǵy jáne molekýlıarlyq bıologııa ádisteri negizinde otandyq sorttar men býdan shyǵaratyn eki seleksııalyq ortalyqty jedel túrde qurýdy usyndy.

«Otandyq tuqym sharýashylyǵynda qalyptasqan jaǵdaıdan shyǵýdyń jalǵyz joly – qazirgi zamanǵy seleksııalyq ortalyq qurý bolyp otyr. Joǵary ónimdi jáne qurǵaqshylyqqa tózimdi, jergilikti aýa-raıyna beıimdelgen ózimizdiń sorttarymen biz aýylsharýashylyǵy óndirisindegi turaqtylyq pen ónimdilikti arttyrýda aıtarlyqtaı serpilis jasaı alamyz. Otandyq ǵalymdar sheteldik áriptestermen birlese otyryp, Úkimet tarapynan tıisti memlekettik qoldaýdy talap etetin seleksııalyq ortalyqtar qurý baǵdarlamasyn ázirleýge daıyn», dep atap ótti Aqylbek Kúrishbaev.

Sońǵy jańalyqtar

Esirtkige esirgender

Qazaqstan • Búgin, 22:27

Kıber qylmystyń jańa kelbeti

Qylmys • Búgin, 22:25

El qorǵany er Bógenbaı

Tarıh • Búgin, 22:19

Taǵdyryn teatrmen toǵystyrǵan

Teatr • Búgin, 22:12

Ultqa qyzmet etýdiń úlgisi

Ádebıet • Búgin, 22:07

Tulǵa týraly týyndy

Ádebıet • Búgin, 22:05

Jolbarys jymy

Ádebıet • Búgin, 22:03

Jıyrmasynda jalyn keshken

Poezııa • Búgin, 22:00

Baıanaýyl basyna bulan úıir

Aımaqtar • Búgin, 21:58

El senimin jalǵaǵan joba

Ekologııa • Búgin, 21:57

Jelaıaqtar Astanada jınalady

Jeńil atletıka • Búgin, 21:54

Jádiger bolyp jetken alǵys

Jádiger • Búgin, 21:53

Jánibekti jekpe-jekke shaqyrdy

Kásipqoı boks • Búgin, 21:49

Álem kýboginde top jardy

Sport • Búgin, 21:47

Otpan taýdaǵy salbýryn

Qoǵam • Búgin, 21:38

Dollar qymbattady

Qarjy • Búgin, 16:27

Uqsas jańalyqtar