Mysaly, Astanada zııatkerlik kólik júıesin paıdalaný esebinen kólik jyldamdyǵy 18% - ǵa ulǵaıdy, jol júrýdiń ortasha ýaqyty 20% - ǵa azaıdy.«Aqyldy» baǵdarshamdar keptelis kezinde ońtaıly jumys rejımin tańdaýǵa múmkindik beredi, osylaısha joldardaǵy qozǵalysty jeńildetedi. Qalada baǵdarsham nysandarynyń 42% - y zııatkerlik fýnksııalarmen jabdyqtalǵan. Kelesi kezeńde baǵdarsham nysandarynyń shamamen 80% -yn ITJ-men qamtý josparlanýda. Elorda ákimi Altaı Kólginov ATS statıstıkalyq derekterin kóliktik josparlaý kezinde odan ári eskerý qajet ekenin atap ótti.
Buǵan deıin elordada keshendi kólik shemasy (KKS) tujyrymdamasy bekitilgen bolatyn. Bul halyqtyń jyl saıynǵy ósýin jáne joldardaǵy trafıktiń ulǵaıýyn eskere otyryp, qalalyq kóliktiń 10 jáne odan da kóp jylǵa biryńǵaı tehnıkalyq paıymyn ázirleýge múmkindik beredi. KQK sondaı-aq jańa avtomobıl kópirleriniń, kólik aıryqtarynyń sanyn ulǵaıtýdy, kóshelerdi keńeıtýdi, joldardy tesýdi, qoǵamdyq kólikti aıtarlyqtaı jańǵyrtýdy jáne t. b. kózdeıdi.
Mysaly, osy jyldyń jazynda Uly dala dańǵylyndaǵy jańa kópir boıynsha qozǵalys ashyldy, Esil ózeni arqyly Táýelsizdik dańǵylyndaǵy taǵy bir kópirdiń qurylysy kelesi jyly aıaqtalady dep josparlanýda. Sonymen qatar sońǵy jyldary 400 – den astam kóshe jóndeldi, olardyń jartysy turǵyn alaptarynda.
