Elorda • 03 Qazan, 2022

Elordada «Án bazary – Qaraótkel» tarıhı-mýzykalyq keshi ótti

67 ret kórsetildi

Astana fılarmonııasy qala turǵyndary men qonaqtary úshin «Án bazary – Qaraótkel» tarıhı-mýzykalyq keshin usyndy, dep habarlaıdy Egemen.kz elorda ákimdiginiń resmı saıtyna silteme jasap.

«E.Rahmadıev atyndaǵy Astana qalasynyń memlekettik akademııalyq fılarmonııasy óziniń maýsymashar konsertin «Án bazary – Qaraótkel» dep atady. Búgin sonaý Qaraótkel zamanyndaǵy ánshilerdiń shyǵarmalary oryndaldy. Atap aıtsaq, Imanjúsip, Qosymjan, keshegi Qapashtar, osy kisilerdiń ánderi búgin sahnada shyrqaldy», dep atap ótti Fılarmonııanyń «Halyq áni» bóliminiń kórkemdik jetekshisi Telman Nurkenov. 

Qaraótkel – aty ańyz meken. Bul saýda ortalyǵy elorda fılarmonııasynyń zamanaýı ǵımaratynyń ornynda ornalasqan edi. Aýqymdy jármeńke eldiń túkpir-túkpirinen kelgen saýdagerler alańy bola turyp, óner sahnasyna da aınalǵan. Munda qalyń jurtshylyq Imanjúsip, Ǵazız, Sátmaǵambet, Qaraqas, Qapash, Isabaı, Qosymjan sonymen qatar, Aqan seri, Birjan sal, Úkili Ybyraı, Balýan Sholaq syndy ónerpazdar áıgili týyndylaryn oryndaǵan.

nnr

«1 qazan kúni kórermenderimiz úshin bul jármeńke qaıta jańǵyrdy, baǵa jetpes ulttyq muranyń injý-marjan shyǵarmalaryn zamandas ónerpazdarymyz tyńdarmandarǵa pash etti. Konsertke «Saryarqa» folklorlyq ansambli, «Shalqyma» halyq bı ansambli jáne fılarmonııa solısteri: Qazaqstan Respýblıkasynyń eńbek sińirgen qaıratkerleri Gúlmıra Sarına, Aıgúl Qosanova, Mádenıet qaıratkeri Seken Syzdyqov, Mádenıet úzdigi Nuraı Tanabaev, Halyqaralyq jáne respýblıkalyq baıqaýlardyń laýreattary Ulaǵat Shalǵynbekuly, Baýyrjan Nurmuhanov, Qýatova Janel, Jaqsygeldi Maıasarov, Arafat Ysqaqov, Telman Nurkenov, О́zgeris Sherikbaı, Nurjan Meıirhan, Elbol Qýanbek, Aınur Qonysbaeva óner kórsetti», delingen ákimdik habarlamasynda.

aa

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar