Máselen, 2022 jylǵy 8 maýsymda qabyldanǵan QR Konstıtýsııasyna engizilgen túzetýlerdiń biri Ákimshilik quqyq buzýshylyq jasaǵany úshin kináli dep taný týraly sot aktisi negizinde májbúrli eńbekti qoldanýǵa jol beriletinin kózdeıdi.
Osyǵan baılanysty ákimshilik quqyq buzýshylyq týraly Kodekske ákimshilik jazanyń osy túrin qosý, ony oryndaý tetigin, sondaı-aq ony qoldanýǵa bolatyn ÁQBtK-niń erekshe bóliginiń quramyn aıqyndaý usynylady.
Ákimshilik quqyq buzýshylyq jasaǵany úshin májbúrli eńbekti qoldaný kináli adamǵa tárbıelik áser etedi dep kútilýde. Budan basqa, ákimshilik jazanyń bul túri kináli adamda qarajaty bolmaǵan jaǵdaıda ákimshilik aıyppulǵa balama bola alady.
«Kóptegen damyǵan elderde májbúrli eńbek kishigirim quqyq buzýshylyqtar úshin qoldanylady. Usynylǵan jańashyldyq quqyq buzýshyǵa, ásirese qoǵamdyq tártipti buzýǵa qol suǵatyn adamdarǵa jaqsy tárbıelik jáne profılaktıkalyq áser etedi», delingen negizdemede.
Sonymen birge Ádilet mınıstrligi bul normany engizý qylmystyq teris qylyqtarǵa qaraǵanda is júzinde ákimshilik quqyq buzýshylyqtar jıi jasalatynyn eskere otyryp, qoǵamda jaǵymsyz reaksııa týdyrýy múmkin ekenin joqqa shyǵarmaıdy.
Qujat 22 qazanǵa deıin «Ashyq NQA» saıtynda ornalastyrylǵan.
