Indýstrııa jáne ınfraqurylymdyq damý mınıstri Qaıyrbek О́skenbaevtyń habarlaýynsha, avtomattandyrylǵan júıe - sıfrlyq bas josparlardy, egjeı-tegjeıli josparlaý jobalaryn, ǵımarattar men qurylystardyń ornalasýy, ınjenerlik ınfraqurylym, kóshe-jol jelisi, sondaı-aq abattandyrý týraly derekterdi jınaýdy, óńdeýdi jáne saqtaýdy qamtamasyz etedi.
Qala qurylysy kadastrynyń taqyryptyq derekter bazasy, óńirdiń ekonomıkalyq mamandanýyn, ınfraqurylymdyq qamtamasyz etilýin, óńirde uqsas obektilerdiń bolýyn jáne olardyń júktemeligin eskere otyryp, ınvestısılyq jobalardy ońtaıly ornalastyrýdy tańdaýǵa, sondaı-aq áleýmettik obektilerdiń sıfrlyq derekteriniń bolýy, tirshilik ınfraqurylymyn bazalyq qamtamasyz etýdi baǵalaýǵa múmkindik beredi.
Qala qurylysy kadastry aıasynda obektiniń biregeı nómirin engizý pysyqtalyp jatyr. Bul birizdendirý, jeke sáıkestendirý nómirmen uqsastyǵy boıynsha sáýlet-josparlaý tapsyrmasyn berýdi, bas josparlarǵa sáıkes júıede eskızdik jobany kelisýdi qamtamasyz etedi. Sonymen qatar qujattardyń nysanaly maqsatqa sáıkestigine túpkilikti tekserý júrgizýge múmkindik beredi. Jáne ınfraqurylymdyq derekterdi sıfrlandyrý esebinen tehnıkalyq sharttardy alýdyń ashyq prosesi qalyptastyrylady.
Premer-Mınıstr kópshilik udaıy kóteretin qalalardaǵy beıbereket jáne tyǵyz qurylys máselesin sheshý qajettiligine nazar aýdardy.
Osy taqyryp boıynsha sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Atyraý oblysynyń ákimi Serik Shápkenov jáne Qaraǵandy oblysynyń ákimi Jeńis Qasymbek baıandama jasady.
Premer-Mınıstr Memleket basshysynyń Joldaýyn iske asyrý aıasynda halyq pen bızneske jer ýchaskeleri men ınjenerlik shemalar týraly ashyq aqparat beriletinin atap ótti.
«Sol úshin búkil el aýmaǵy boıynsha biryńǵaı Qala qurylysy kadastry men saraptamasy engizilip jatyr. Jer ýchaskeleri men ınfraqurylym jelileriniń ınteraktıvti kartasy daıyndalýda. Ol turǵyndar men kásiporyndarǵa ınjenerlik jáne kommýnaldyq nysandarǵa jedel qosylýǵa múmkindik beredi», dedi Álıhan Smaıylov.
Onyń aıtýynsha, qala qurylysy saraptamasy qalaly jerdegi beıbereket jáne sapasyz qurylystardy toqtatýǵa, qala turmysyna qolaıly jaǵdaı jasaýǵa baǵyttalǵan.
«Bul sharalar qurylysty jobalaý kezinde qarajatty barynsha únemdeýge jáne qurylys talaptaryn qatań saqtaýǵa múmkindik beredi. Interaktıvti kartalarda bos jatqan jer ýchaskeleri men ınfraqurylym týraly sońǵy málimetter bolady», dedi Premer-Mınıstr.
Álıhan Smaıylov 2023 jyldyń sońyna deıin Memlekettik qala qurylysy kadastryn tolyǵymen engizýdi jáne avtomattandyrýdy, kadastrlyq aqparattyq júıelerdiń ıntegrasııasyn qamtamasyz etýdi, sondaı-aq óńirlik jelilerdi ınventarızasııalaý úlesin jyl sońyna deıin 75%-ǵa, al 2024 jylǵa qaraı 100%-ǵa deıin jetkizýdi tapsyrdy.
