«Sońǵy 3 jylda Pavlodardyń jalpy óńirlik ónimi 28 paıyzǵa ósip, 3,9 mıllıard teńgege jetti. Aýyl sharýashylyǵy, qurylys, saýda jáne basqa da salalar qarqyndy damyp kele jatyr. Munyń bári jergilikti jurttyń turmysy jaqsaryp, ál-aýqatynyń artýyna tikeleı yqpal etedi. Elimiz qazir jan-jaqty áleýmettik-ekonomıkalyq reformalar kezeńine qadam basty. Biz alǵa qoıyp otyrǵan strategııalyq mindetterdi júzege asyrýǵa Pavlodar oblysy zor úles qosady dep senemin», dedi Qasym-Jomart Kemeluly.
Prezıdent óz sózinde energetıkalyq qaýipsizdik máselesi tek bizdiń elimiz úshin ǵana emes, barsha álem úshin mańyzdy bolyp otyrǵanyn atap ótti.
«Búgingi tańda energetıkalyq qaýipsizdik búkil álem úshin óte ózekti másele bolyp tabylady. Memleketterdiń údemeli damýy, turaqty ındýstrııalyq ósý elektr energııasynyń jetkilikti kólemi bolǵan jaǵdaıda ǵana múmkin bolady. Sondyqtan Pavlodar Qazaqstannyń ekonomıkalyq progresinde erekshe mánge ıe», dep qosty Memleket basshysy.
