Egemen Qazaqstan • 05 Qazan, 2022

Oqyrmannyń rýhanı oljasy

56 ret kórsetildi

Keshe Astanadaǵy «Qazposhta» aksıonerlik qoǵa­my dástúrli «Baspasózge jazylýshylar kúnin» uıym­das­tyryp, úmitterin úkilegen úsh taraptyń basyn qosty. Atap aıtqanda, qazposhtalyqtar men gazet-jýrnal ókilderi hám jazylýshy oqyrman arasynda qoıan-qoltyq qarym-qatynas ornady.

Sýretti túsirgen Igor BÝRGANDINOV

«Jylqy kisineskenshe, kisi sóı­leskenshe» degendeı, jazarman men oqyrmandy dánekerleýshi qaz­posh­ta­lyq­tar eki ortadaǵy altyn kó­pir rólin atqardy. Ja­zy­lýshy jurtpen kezdesýge kel­gen respýblıkalyq ba­sy­lymdardyń jetekshileri ózek­jardy oılaryn ortaǵa sal­dy. Áýelgi qut­tyqtaý sózdi «Qaz­poshtanyń» Astana fı­lıa­­ly dırektorynyń orynbasary Ásel Syzdyqova sóıledi.

Merekelik is-sharaǵa kóp­tegen res­pýblıkalyq ga­zet-jýrnal ókilderi qa­ty­syp, ja­zylýshylarǵa tar­tý-ta­ral­ǵylaryn usyndy. Res­­­pýb­lıkalyq «Egemen Qazaqstan» gazeti de jazdyryp alýshy­la­ryn quttyqtap, syı-sııa­pat­taryn usyndy. Belsendi oqyr­mandaryna «Egemen Qazaqstan» kitaphanasy» se­rııa­symen shyqqan kitap­taryn syılady.

Merekelik sharaǵa «Kazah­stanskaıa pravda», «Aıqyn», «Túrkistan», «As­tana aq­sha­my» respýblıkalyq ga­zet­­terimen birge qalalyq «Ja­­ńa bastaý» basylymy, «Má­denı mura», National Geografic, taǵy basqa jýrnal­dar qatys­ty.

«Búgingi ortaq mereke qut­­ty bolsyn. Baspasózge ja­­zylý naýqany bastaldy. Alamanǵa at qosqan ár adam­­nyń oıynda bir-aq nár­se turady. Ol – báıgeli bo­lý. Sondyqtan osynaý rýhanı marafonda bárimizdiń de aıymyz ońynan týyp, asy­ǵymyz al­shysynan tússin. Ja­zarlaryńyz kó­beıip, ony oqıtyn kózi qa­raqty oqyr­manymyz odan da kóp bolsyn. Bizdiń gazetimizdi taratyp, aparatyn jerine ýa­qytynda jetkizip júrgen «Qaz­poshta» qyzmetkerlerine basshylyqtyń syı-sııapaty bar edi», dep sóz ushtaǵan «Egemen Qazaqstan» gazeti bas redaktorynyń oryn­ba­sary Talǵat Batyrhan atal­ǵan mekemeniń birneshe qyz­met­kerine Alǵyshat pen syı­lyqtar tabystady.

Budan keıin de birneshe gazet ókil­deri sóz alyp, óz ónim­derin taratýshylar men jazylýshy jurtpen pikir bó­listi. Qazposhtalyqtar men ja­­zylýshylaryna alǵystaryn bildirip, arnaıy syılyqtaryn usyndy.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Medısına salasyndaǵy yntymaqtastyq

Medısına • Búgin, 08:58

Jer daýy zańmen sheshiledi

Aımaqtar • Búgin, 08:55

Qaıtqan aktıvten qaıyr bar ma?

Qarjy • Búgin, 08:53

Namys qurbany

Tarıh • Búgin, 08:50

Uqsas jańalyqtar