Alańdaýǵa negiz joq

Árıne, BUU-nyń konvensııasyna sáıkes quqyǵy men bostandyǵy buzy­lyp, óz elinde qýǵynǵa ushyra­ǵan­dardy bosqyn retinde panalatýǵa biz de mindettimiz. Sondaı-aq basyna is túsip, tabıǵat nemese tehnogendik apat­tardan zardap shegip, údere kósh­kender bolsa, olardy da bas saýǵa­la­­­tý­ǵa bolady. Alaıda Memleket bas­­­shy­synyń jarlyǵyn oryndaýdan bas tartyp, kórshi elderge jylys­ta­ǵy­­sy kelgenderge bosqyn mártebesi be­­ril­meıdi. Soǵan qaramaı bizdiń el eki­­jaqty kelisimsharttarǵa sáıkes olar­dy kóship-qonýshy, qonaq retinde qabyldaýǵa májbúr. Ondaı syltaýlar da kóp. Mysaly, otbasymen tabysý, eńbek etýge, oqýǵa, emdelýge kelý. Tipti mıs­sıonerlik istermen de kelýge qaqy­ly. 

Jýyrda oblys ákiminiń orynbasary Dáýren Jandarbek jýrnalıs­ter aldyna shyǵyp, Soltústik Qazaqstan aýma­ǵyn­daǵy she­karalyq beketterinen 21-25 qyr­kúıek aralyǵynda 30 myńnan astam re­seı­lik azamat Qazaqs­tanǵa ótken. Onyń 20 myńǵa jýyǵy 18 ben 60 jas araly­ǵyn­da­ǵy aza­mattar. R­e­seıdegi ishinara mo­bı­lı­za­sııaǵa sáı­kes áskerge osy jas­ta­ǵy azamattar sha­­qy­rylǵan.

D.Jandarbektiń aıtýyna qara­ǵan­da, olardyń kóbi bizdiń eldiń aýma­ǵyn tranzıttik dáliz retinde ǵana paıdalanýda. Tek 64 Reseı azamaty ýaqytsha turýǵa ótinish bergen. Kel­gen­digi týraly jazbasha habar ber­gen­­­derdiń sany – 1 481. Otyz myńǵa jýyq adamnyń ishinde tek osynshasy ǵana ýaqytsha turýǵa hattalǵany kúdik týdy­rady.

Sonymen birge oblys ákiminiń oryn­­basary qazir kelýshilerdiń kúrt azaı­­ǵanyn aıtty. «О́ıtkeni Reseı Fe­de­­rasııasynda áskerı mindetkerligi bar azamattardyń shetelderge ketýine ba­qy­laý kúsheıtildi», dedi ol.

Al ýaqytsha kelgen sheteldikterge arnalǵan salyq tóleýshiniń jeke sáı­kes­tendirý nómirin (JSN) alýǵa ótinish ber­gender sany – 1 340. Eger 19 ben 23 qyrkúıek aralyǵyndaǵy kezeńmen sa­lystyrsaq, bul san 2,5 esege artyq. Bul týraly «Azamattarǵa arnal­ǵan úki­met» memlekettik korporasııasy Sol­­tústik Qazaqstan fılıalynyń dırek­to­ry Jánibek Qambarov málimdedi. Son­daı-aq J.Qambarov HQO-ǵa jú­­gin­g­en sheteldikterdiń óte kóp bolýyna baılanysty qosymsha taǵy bir ortalyqtyń ashylǵanyn jetkizdi.

Ázirge Petropavl qalasynda she­tel­­­dikterdiń qatysýymen quqyq buzý­shy­lyq­tar tirkelgen joq. Jer­gi­lik­ti po­lı­­sııaǵa jaıaý jáne avtomobılmen halyq kóp jınalatyn jerlerge patrýldik qyzmetterdi kúsheıtýge tap­­­syrma berilgen. Qazir qaladaǵy 517 nó­mi­ri bar 24 qonaqúı tolyq. Onyń ústine páterlerdi jalǵa berýmen aı­na­­lysatyn 20 bıýro da qyzý jumys isteýde.

Kóshi-qon qyzmeti barlyq qonaq­úı men jalǵa úı berýshilerge she­tel­dik­ter týraly mıgrasııalyq por­tal­ǵa habarlaýyn talap etken. So­ny­men birge sheteldikter ózderi turǵan aýdan­dar­da­ǵy mıgrasııalyq qyz­met­ter­ge kelgeni týraly habardar etýi qajet.

Búgingi tańda Soltústik Qazaq­stan­da tirkelgen 7 myńdaı shetel­dik tu­ryp ja­tyr. Sonyń bes myń­daıy – re­seı­lik­ter. Kóshi-qon bas­qar­­masynyń qyz­metkerleri jer­gi­likti polısııa ıns­pektorlary, prokýratýra jáne jer­gilikti ákimdik qyzmetkerlerimen bir­le­­sip qazir qonaqúılerdi, hostel­der­di, jalǵa beri­letin páterlerdi tekserip, zańsyz turyp jatqandardy anyqtaý jumystaryn júrgizip jatyr.

Soltústik Qazaqstan oblysy