Prezıdent • 06 Qazan, 2022

Men úshin Otanǵa qyzmet etýden artyq jaýapty mıssııa joq - Prezıdent

100 ret kórsetildi

Memleket basshysy Qasym-Jomart Toqaev ózin qoldaý jónindegi halyqtyq koalısııa forýmynda sóz sóılep, saıasatqa qyzyǵýshylyǵy bar jastardyń belsendiligine erekshe qýanatynyn aıtty, dep habarlaıdy Egemen.kz.

«Bizdiń reformalarymyzdyń basty maqsaty - ádil Qazaqstan qurý. Kóp nárse jasaldy, biraq biz tek osy tikendi joldyń basynda ǵana turmyz. Syndarly dıalogtyń arqasynda biz elimizdi saıası jańǵyrtýda úlken jetistikterge jettik. Ásirese jastardyń syndarly belsendiligi qýantady. Munyń bári azamattardyń elde júrgizilip jatqan ózgeristerge senetinin kórsetedi. Ári qaraı alǵa jyljý úshin biz ótkennen sabaq alyp bolashaqtyń beınesin anyq kórýimiz kerek», dedi Prezıdent óz sózinde.

Memleket basshysynyń aıtýynsha, barsha qazaqstandyqtar úshin teń múmkindikterdi qamtamasyz etý maqsatynda eldegi saıası júıeni qaıta qurý qajet.

«Bizdi kóptegen qıyndyqtar kútedi, biraq biz óz baǵdarymyzdan bas tartpaımyz. Biz ádil jáne tıimdi memleket quryp, barlyǵyna teń múmkindikterdi qamtamasyz etýimiz kerek. Osy aýqymdy maqsattarǵa jetý úshin saıası júıeni qaıta bastaý kerek. О́zderińiz biletindeı, men prezıdenttik ókilettikterdi bir jeti jyldyq merzimge shekteıtin reformany bastadym. Men bılikke ıe saıasatkerler eldiń múddeleri úshin mańyzdy máselelerdi sheshýde erik-jiger kórsetýge mindetti dep sanaımyn. Jaýapty saıasatker árqashan ıkemdi jáne berik bolýy tıis. Meni memleket pen halyqtyń uzaq merzimdi múddelerin senimdi túrde qamtamasyz etýge degen shynaıy nıet jeteleıdi. Men úshin Otanǵa qyzmet etýden artyq qurmetti ári jaýapty mıssııa joq», dedi Qasym-Jomart Toqaev.

Memleket basshysynyń aıtýynsha, aldaǵy saılaý sıklinde Prezıdent, májilis jáne barlyq deńgeıdegi máslıhat depýtattarynyń saılaýy kezeń-kezeńimen ótedi.

«Bizdiń «kúshti Prezıdent – yqpaldy Parlament – esep beretin Úkimet» ustanymymyzdyń negizgi formýlasy únemi jańa sapaly mazmunmen toltyrylatyn bolady. Aldaǵy saılaý sıklinde Prezıdent, májilis jáne barlyq deńgeıdegi máslıhat depýtattarynyń saılaýy kezeń-kezeńimen ótedi. Bul reformalardyń belgilengen qarqynyn saqtap, jańa aýqymdy qaıta qurýlardy bastaýǵa múmkindik beredi. Elde shuǵyl sheshýdi talap etetin kóptegen máseleler bar. Aldaǵy saılaý bizdiń jańa jetistikterimizdiń negizin qalaıtynyna, jańa saıası dáýirdiń tiregi bolatynyna senimdimin», dep túıindedi Prezıdent.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar