Álem • 06 Qazan, 2022

Eýroodaq Reseıge qarsy sanksııalardyń segizinshi paketin bekitti

47 ret kórsetildi

Eýropalyq Odaq Reseıge qatysty sanksııalardyń segizinshi paketin bekitti, dep habarlaıdy Egemen.kz Anadoly agenttigine silteme jasap.

«Eýropalyq Komıssııa EO Keńesiniń Ýkraınaǵa qarsy agressıvti áreketterine baılanysty Reseıge qarsy segizinshi sanksııalar paketin maquldaýyn quptaıdy. Bul paket halyqaralyq seriktestermen tyǵyz úılestirilip, Reseıdiń Ýkraınaǵa qarsy bastaǵan shıelenisi men zańsyz soǵysyna jaýap bolyp sanalady», delingen Eýrokomıssııanyń habarlamasynda.

Segizinshi sanksııalar paketi 7 mıllıard eýro kólemindegi taýarlardy ımporttaýǵa tyıym salýdy, sondaı-aq eksportqa shekteýlerdi qarastyrady.

Bul qadamdar Kremldiń áskerı-ónerkásiptik keshenin negizgi komponentter men tehnologııalardan, al Reseı ekonomıkasyn eýropalyq qyzmetter men tájirıbelerden aıyrady.

«Sondaı-aq sanksııalyq paket G7-de kózdelgen munaı baǵasynyń shegin engizý maqsatynda qajetti quqyqtyq bazany iske asyrý úshin negiz qalaıdy», delingen habarlamada

Sonymen qatar EO jeke jáne zańdy tulǵalarǵa, sonyń ishinde «Donesk» jáne «Lýgansk halyq respýblıkalarynda», sondaı-aq Ýkraınanyń Herson jáne Zaporoje oblystarynda «referendýmdarǵa» tikeleı qatysy bar adamdarǵa qarsy qosymsha sanksııalar engizedi.

Reseıdiń áskerı, ónerkásiptik jáne tehnologııalyq taýarlarǵa qoljetimdiligin, sondaı-aq onyń qorǵanys jáne qaýipsizdik sektoryn damytý múmkindikterin azaıtýǵa baǵyttalǵan qosymsha eksporttyq shekteýler engizildi.

Reseıge qarsy taǵy bir sanksııalar paketi Ýkraına aýmaqtaryn zańsyz anneksııalaýǵa jaýap boldy.

«Biz Reseıdiń áskerı ekonomıkasyna odan da kóp soqqy beremiz. Biz Ýkraına terrıtorııalaryn zańsyz anneksııalaýǵa jaýapty adamdardy qýdalaımyz. EO Ýkraınany qansha qajet bolsa, sonsha qoldaıdy», dedi EO dıplomatııasynyń basshysy J.Borrel.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar