Pikir • 07 Qazan, 2022

Jol jaqsarmaı, is ońǵarylmaıdy

41 ret kórsetildi

El men el basshysynyń oı-nıetteri, maqsaty úndesse, alynbaıtyn asý joq. Sonyń bir úlgisi Memleket basshysy Qasym-Jomart Toqaevtyń Qaraǵandy halqymen kezdesýinde anyq baıqaldy. Jıynda Prezıdentimiz jyldar boıy el kóńilin mazalap kele jatqan túıtkildi máselelerdiń túıinin tarqata kórsetti, talaptar qoıdy, atqarylýǵa tıis jumystardy naqtylady.

Táýelsizdik alǵannan beri halyqty udaıy mazalap kele jatqan kúrdeli máseleniń biri – jer máselesi. Osy jıyn­da bul máselege basa nazar aýdaryl­dy, baıtaq jerimizdi tıimdi paı­dalaný qajettigi – búginge paryz, keleshekke amanat ekeni aıtyldy. Aıtylyp qana qoıǵan joq, ótkenniń qateligin túzeý sozbaqtaýǵa kelmeıtin mindet ekeni alǵa tartyldy. Bul mindetti tezdete sheshý úshin keshegi ýaqytta latıfýndısterge zańsyz berilgen jerler qaıtarylyp, sharýashylyq ashýǵa, kásippen aınalysýǵa múddeli azamattarǵa ádil jolmen qaıta bóliný qajettigi maqsat etip qoıyldy.

Eldegi iri óndiris oryndaryna degen halyqtyń kózqarasy da ár­túr­li. Onyń ózindik sebepteri de az emes. Sonyń ishinde kóptiń kóńi­line kúmán týdyratyn jaǵdaı alpa­ýyt kompanııalardyń elmen sanas­paı, búginge deıin derbes memleket sııaqty bolyp kelgeni edi. Prezıdent nazarynan bul problema qalys qalmaı, osy baǵytta qolǵa alynatyn sharalar elmen kezdesý barysynda naqty kórsetildi. Memleket basshysy elimizde jumys isteıtin irgeli óndirýshi kompanııalardyń bári endigi ýaqytta memleket tarapynan jiti baqylaýda bolatynyn anyq­taı jetkizdi. Memleket múddesin qur­metteý, óndiristi jańǵyrtý, ekologııa­ny qorǵaýǵa nazar aýdarý, eńbek zań­dylyǵyn saqtaý – barshaǵa ortaq talap ekenin qadap aıtty.

Logıstıka – ekonomıkanyń kúretamyry. El ishindegi joldar jaqsarmaı, iste bereke bolmaıdy. Sol sebepti Q.Toqaev óńirdiń qar­qyndy damýyna serpin berýi birinshi kezekte jol máselesine erekshe mán berý kerektigine toqtaldy. Ortalyq-Ońtústik kólik dáliziniń salyný qarqyny baıaý ekenin eskertti, jumysty shıratý qajettigine nazar aýdardy.

Úkimetke Qaraǵandy – Balqash jáne Balqash – Býrylbaıtal tas jolyn aldaǵy jyly tolyq aıaqtaýdy, sapasyn qatań baqylaýdy mindettedi. Sondaı-aq, Qaraǵandy – Jezqazǵan, Qaraǵandy – Qarqaraly kúre joldaryn jóndeý jumystaryna keler jyly kirisý qajettigin tapsyrdy.

Bul – qaı-qaısy da halyq kóńilinen shyǵatyn, kópten sheshimin kútken máseleler. Prezıdenttiń kezdesý barysynda aıtqan sózderine senimmen qarap, úmitin úkilep otyrǵan eldiń endigi oıy osy jumystardyń óz ýaqytynda sapaly oryndalýy.

Memleket basshysynyń tapsyrmalaryn iske asyrý enjarlyqty kótermeıdi. Endeshe, aımaqtardyń eńsesi bıikteı berýi úshin bir kisideı jumyla eńbek eteıik.

 

Amanjol ÁLTAEV,

Májilis depýtaty

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar