Álem • 07 Qazan, 2022

Taılandta eks-polısııa qyzmetkeri 30-dan astam adamdy óltirgen

35 ret kórsetildi

Taılandta esirtkige baılanysty isti bolǵan qaskúnem balabaqshaǵa qarýmen basyp kirdi. Qurban bolǵandardyń arasynda 22 bala bar, dep habarlaıdy Egemen.kz Deutsche Welle-ge silteme jasap. 

Qaıǵyly oqıǵa Bangkoktyń soltústik-shyǵysyndaǵy Nongbýalampý provınsııasynda boldy. Qaskúnem jolda kezikken adamdarǵa oq jaýdyrǵan. Al balabaqshada balalardy óltirý úshin pyshaq qoldanǵan. Qaza tapqandardyń qatarynda júkti tárbıeshi de bar.

TASS Reuters agenttiginiń sońǵy málimetteri boıynsha, qylmyskerdiń qolynan 38 adam qaza tapqan.

Polısııanyń habarlaýynsha, qaskúnem buryn quqyq qorǵaý organdarynda jumys istegen, biraq esirtkige baılanysty jumystan shyǵarylǵan. Tintý kezinde odan metamfetamın tabletkalary tabyldy. Shabýyldan birneshe saǵat buryn burynǵy polısııa qyzmetkeri sotta bolǵan. Onda onyń isi qaralǵan.

Anyqtalǵandaı, ol balasyn alyp ketý úshin balabaqshaǵa barǵan. Biraq ony tappaı, oq jaýdyra bastaǵan. Uıymdastyrylǵan qantógisten keıin 34 jastaǵy shabýyldaýshy oqıǵa ornynan qashyp ketken. Ol jolda atysty jalǵastyryp, taǵy tórt-bes adamdy óltirgen.

Qaskúnem úıge oralǵanda áıeli men balasyn óltirip, sodan keıin ózin-ózi óltirgen kórinedi. Taıland bıligi bul oqıǵaǵa tańqalǵanyn aıtty. Olar tergeýdi jedeldetý jáne zardap shekkenderge kómek kórsetý úshin oqıǵa ornyna Taıland polısııasynyń bastyǵyn jiberdi.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar