Elorda • 07 Qazan, 2022

Elordada gazdandyrý jumystary jalǵasyp jatyr

41 ret kórsetildi

Qalanyń qarqyndy damýy men halyqtyń ósýin eskere otyryp, Astanada úsh gaz jylý stansııasynyń, JEO-3, sorǵy-súzgi stansııasynyń (SSS-3) jáne t.b. qurylysy júrgizilip jatyr, Astana qalasy máslıhatynyń kezekten tys sessııasynda strategııalyq obektilerdiń qurylysy týraly Altaı Kólginov aıtyp berdi, dep habarlaıdy Egemen.kz.

«Mysaly, 2019 jyldyń basynda elordada 1 mln 30 myńnan astam adam turdy. Bıyl - 1 mln 330 myńnan astam adam. 3-4 jyl ishinde halyq sany 300 myń adamǵa ósti. Bul sandy oblys ortalyqtaryndaǵy adam sanymen salystyrýǵa bolady. Injenerlik ınfraqurylymdy qurý qajet: sý, jaryq, jylý. О́zderińiz biletindeı, JEO-3 - uzaq merzimdi, 10 jyldan astam ýaqyt boıy salynyp keledi. Merdigerge habarlama jiberilip, ol qurylys qarqynyn arttyrdy.

Biraq JEO-3-tiń de qýaty jetkiliksiz bolady. Sondyqtan úsh gaz jylý stansııasynyń qurylysy bastaldy. Olardyń árqaısysynyń qýaty JEO-3-tiń qýatynan asyp túsedi. Gaz jylý stansııalary kelesi jyldan bastap kezeń – kezeńimen paıdalanýǵa beriledi. Sonymen qatar biz Naýryz, Juldyz, Araı jáne t.b. elektr qosalqy stansııalaryn jobalaýdy jáne rekonstrýksııalaýdy júrgizýdemiz», dedi elorda ákimi Altaı Kólginov.

Sýmen jabdyqtaý máselesin júıeli sheshý úshin ótken jyly elordada sorǵy-súzgi stansııasynyń qurylysy bastaldy. SSS-3 qazirgi qýatyn arttyryp qana qoımaı, bolashaq qurylys aýdandaryn aýyz sýmen qamtamasyz etedi. Búginde qala táýligine 300 myń tekshe metr sý tutynady. Jańa SSS-nyń qýaty - táýligine 100 myń tekshe metrden astam sý. SSS- 3 jumysy ishinara osy jyldyń sońyna deıin iske qosylady - táýligine 35 myń tekshe metr sý. 2023 jyldan bastap qýattylyǵy táýligine 100 myń tekshe metrden astam sýdy quraıdy.

Sonymen qatar qalany gazdandyrý jumystary jalǵasýda. Almaty jáne Saryarqa aýdandary gazǵa qosylý múmkindigimen tolyq qamtamasyz etilgen. Qalǵan aýdandar - Baıqońyr jáne Esilde magıstraldyq gaz qubyrynyń qurylysy júrgizilip jatyr (2023 jyly kvartalishilik jeliler).

 

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar