Tabıǵatty aıalaý

Manash Qozybaev atyndaǵy Soltústik Qazaqstan ýnıversıtetiniń stý­dent jastary qoldaryna sypyrǵy, aıyr-kúrekterin alyp, qala halqy kóp jınalatyn qoǵamdyq oryndardy – alańdardy, kóshe qıylystaryn, Maǵjannyń eskertkishiniń mańaıyn, Abylaıdyń aq úıiniń mańyn sypyryp, qoqystan tazalaýǵa kiristi.

Top bastaýshy Bekzat Latypovanyń aıtýyna qaraǵanda, bul is-shara jas­tar­dyń sanasyna ózi júrgen jerde ta­zalyq saqtaýdy sińiretin jáne sol úshin kúresýge beıimdeıtin aksııa. «Biz qalamyzdyń, aýlamyzdyń, kóshemizdiń tazalyǵyna, onyń jaıqalyp, jar­qyrap turýyna kóńil bólýimiz kerek. Tazalyqty, tártipti ózimizden basta­ǵa­nymyz durys. Tabıǵatty aıalaýdy árbir azamat oılasa, qalamyz da taza bolady», deıdi B.Latypova. Ata-babamyz «Aqyl – jastan, asyl – tastan» degendi tegin aıtpaǵan ǵoı, jaqsy bastamanyń qasynda qashanda jastar júredi. Solardyń ynta-jigeri, ba­tyldyqtary men belsendilikteri jaq­sylyqqa bas­taıdy. El bolyp qol­dap jatqan bul ıgi isti de sonyń biri deýge bolady.

Qoqysqa tolyp qalǵan skverler, alańdar, kóshe qıylystary, eskertkishterdiń aldy bir tazaryp qaldy. Jastar ýlap-shýlap ándetip, ázil­desip, júrip-aq aınalanyń bárin tazalap, jaınatyp ketti. О́tip jat­qan qala turǵyndary olardyń ıgi isine súısine qarap, al­ǵys­taryn aıtyp jatty. Keı­biri «búgin senbilik pe edi» dep ta­ńyrqap ta jatyr. Olarǵa jastar kúle qarap, «joq búgin senbilik emes, jumalyq» dep kúlisip qoıady. Shynynda chellendjdiń Qyzyljarda jalǵasýy ótken beısenbige kelgen edi. Jergilikti baspasóz jastardyń bastamasyn oblystyń barlyq túk­pirine taratyp, jaqsy isten úlgi alýǵa shaqy­ryp jatty.

PETROPAVL