«Altyn-valıýta rezervteri men Ulttyq qor aktıvteriniń jalpy kólemi qyrkúıek aıynda 2,1 mlrd dollarǵa tómendep, 84,4 mlrd dollardy qurady. Aqpan-naýryz aılarynda ıntervensııalar júrgizý, memlekettik boryshty tóleý, sondaı-aq altyn baǵasynyń tómendeýi aıasynda jyl basynan beri altyn-valıýta aktıvteriniń 1,6 mlrd dollarǵa tómendeýine qaramastan altyn-valıýta aktıvteriniń deńgeıi jetkilikti jáne ımporttyń shamamen 7,3 aıyn jabýǵa múmkindik beredi», dedi Ulttyq bank tóraǵasy.
Onyń aıtýynsha, respýblıkalyq bıýdjetke 3,7 trln teńge somasyna transfertter bólý úshin jyl basynan bastap 3,4 mlrd dollarǵa valıýtalyq aktıvter satylǵan.
«Damyǵan elderdiń ortalyq bankteriniń aqsha-kredıt saıasatyn kúsheıtý jónindegi rıtorıkasy aıasynda oblıgasııalar men aksııa naryqtary jyl basynan beri quldyraǵanyn kórsetti, bul qyrkúıek aıynda Ulttyq qor aktıvteriniń tómendeýine áser etti. Damyǵan elderdiń oblıgasııalar portfeli 722 mln dollarǵa jáne aksııalar portfeli – 1 255 mln dollarǵa tómendedi», dedi Ǵalymjan Pirmatov.
Jansaıa ÁNÝAR
