Aqsaqal Jezqazǵannan shyǵyp, eldiń shyǵysymen ótip, Kaspııge jetken. Ol barlyǵy 8000 shaqyrymdy júrip ótipti. Kúsh-qaıraty qaıtpaǵan saıahatshy qarııaǵa Qazaqmys kompanııasy jıhazben jáne turmystyq tehnıkamen jabdyqtalǵan páter syıǵa tartty.
«Bul shynymen keremet nátıje! Bizdiń oblystyń barlyq turǵyndary BAQ arqyly sizdiń saparyńyzdy baqylap, sizge sáttilik tilep, densaýlyǵyńyzǵa alańdap, ortamyzǵa oralǵanyńyzdy tiledi. Sizdiń bul isińiz jas urpaq úshin úlken úlgi. Búgin Qazaqmys kompanııalar tobynyń basshylyǵy atynan sizdi shyn júrekten quttyqtaǵym keledi. Sizge zor densaýlyq, uzaq ómir jáne sarqylmas qýat tileımiz. Sizdiń osy erligińiz úshin sizge Jezqazǵan qalasyndaǵy eki bólmeli páterdiń kiltin tabystaımyz», dep quttyqtady «Qazaqmys Smeltıng» JShS Bas dırektory Nurahmet Nurıev.
