«Dızel otyny baǵasynyń ósýine munaı jetkizýshilerdiń aıla-sharqy áreketteri yqpal etkeni anyqtaldy. Máselen, shaǵyn jetkizýshiler jaǵdaıdy paıdalanyp, kóterme baǵany kóterip, marjany jasandy túrde kóterdi. Olardyń qyzmeti monopolııaǵa qarsy zańnamamen rettelmeıdi. О́ıtkeni, taýar naryǵyndaǵy úlesi tómen, al kóterme baǵalar shekti baǵamen shektelmeıdi», dep jazdy Berik Asylov depýtattyq saýalǵa bergen jaýabynda.
Buǵan deıin habarlanǵandaı, óńirlik operator úsh myń tonnaǵa jýyq dızel otynyn zańsyz ótkizgen. Atap aıtqanda, Aqtóbe oblysynda «Batys Jer» JShS óńirlik operatory óziniń avtojanarmaı quıý stansııalarynyń jelisi arqyly 2 myń 982 tonna kóleminde jeńildikti otyn satty. Ekonomıkalyq tergeý departamenti operatorǵa qatysty Qylmystyq kodeksiniń 221-baby boıynsha sotqa deıingi tergep-tekserý júrgizedi.
