Premer-Mınıstr Álıhan Smaıylov qurmetti qonaqty elorda áýejaıynda qarsy aldy.
Ilham Álıev Azııadaǵy ózara is-qımyl jáne senim sharalary jónindegi keńestiń VI sammıtine jáne TMD memleketteri basshylary keńesiniń otyrysyna qatysady dep kútilýde.
Eske sala ketsek, 12-13 qazanda Astanada Azııadaǵy ózara is-qımyl jáne senim sharalary jónindegi keńestiń VI sammıti ótedi. Sammıtke Ázerbaıjan, Irak, Iran, Qazaqstan, Katar, Qyrǵyzstan, Palestına, Reseı, Tájikstan, Túrkııa, О́zbekstan jáne Belarýs basshylary, Vetnam vıse-prezıdenti jáne QHR Tóraǵasynyń orynbasary qatysady.
14 qazanda Astanada Dostastyqtyń joǵary organy – TMD memleketteri basshylary keńesiniń otyrysy ótedi. Is-shara barysynda TMD alańyndaǵy ózara is-qımyldyń ózekti máselelerin talqylaý, saýda-ekonomıkalyq, mádenı-gýmanıtarlyq salalardaǵy, sondaı-aq qaýipsizdik salasyndaǵy ıntegrasııalyq baılanystardy odan ári damytýǵa jáne nyǵaıtýǵa baǵyttalǵan birqatar qujatty qaraý jáne qabyldaý josparlanǵan.
