«Bárimizdi beıbitshilik pen yntymaqtastyqqa degen ortaq umtylys biriktiredi. Biraq bizdiń jasampaz kúsh-jigerimizge qaramastan, álem qaýipsiz bola bermeıdi. Búgin biz buryn-sońdy bolmaǵan geosaıası daýyl men álemdik ekonomıkanyń ósip kele jatqan daǵdarysy jaǵdaıynda ómir súrip jatyrmyz. Bul qubylys qazirdiń ózinde «jahandyq dısfýnksııa» dep ataldy. 2019 jyly AО́SShK-niń aldyńǵy sammıti ótkizilgennen beri álemdik qoǵamdastyq aýyr synaqtardan ótti, onyń teris saldary jahandyq damýǵa áser etti», dedi Prezıdent.
Budan soń, Memleket basshysy AО́SShK mindetin atap ótti.
«Meniń oıymsha, bizdiń aldymyzda turǵan asa mańyzdy mindet - buryn-sońdy bolmaǵan qaýip-qaterler jaǵdaıynda halyqaralyq qatynastarda turaqtylyqqa qol jetkizý. Kópjaqty mehanızmderge jańa serpin berý jáne ashyq dıalogqa oralý óte mańyzdy. Eń aldymen, biz Azııa kontınentiniń halyqaralyq qatynastardyń jahandyq júıesindegi mańyzyn nyǵaıtý maqsatynda álemniń jańa kún tártibin qalyptastyrýǵa kúsh salýymyz kerek. О́zderińiz biletindeı, Azııa adamzat órkenıetiniń damýyna úlken úles qosty», dedi Qasym-Jomart Toqaev.
