«Qazirgi álem shynymen kóppolıarly jáne Azııa bul álemde mańyzdy ról atqarady», dedi ol óz sózinde.
Vladımır Pýtınniń aıtýynsha, Azııa óńirinde jumys isteıtin ShYU, Ońtústik-Shyǵys Azııa memleketteriniń qaýymdastyǵy, Eýrazııalyq ekonomıkalyq odaq sııaqty ıntegrasııalyq birlestikterdiń is-áreketterine Reseı de belsene qatysady.
Osy tusta ol Reseı Azııanyń damýy men órkendeýin jaqtap, ekonomıkanyń ártúrli salalaryndaǵy kooperasııalyq baılanystardy keńeıtý jáne tereńdetý maqsatynda tıimdi saýda jáne ınvestısııalyq yntymaqtastyqtyń keń keńistigin qurý ıdeıasyn jaqtaıtynyn aıtty.
Jıyn barysynda Pýtın álemdik qarjy júıesiniń jumys prınsıpterin qaıta qaraý qajet ekenin jetkizdi.
«Birinshi kezektegi qadam retinde biz ózara esepteýlerde ulttyq valıýtalardyń belsendi qoldanylýyn baıqap otyrmyz. Mundaı sharalar bizdiń memleketterimizdiń qarjylyq egemendigin nyǵaıtýǵa yqpal etetini belgili», dedi Reseı prezıdenti.
Aıta ketsek, Astanada Azııadaǵy ózara is-qımyl jáne senim sharalary jónindegi keńestiń VI sammıti ótip jatyr.
