Ishki ister mınıstrliginde 2022 jyldyń basynan beri turmystyq zorlyq-zombylyq týraly 100 myń habarlama tirkeldi. Bul týraly vedomstvo basshysy Marat Ahmetjanov málimdedi.
Mınıstr atap ótkendeı, shaǵymdardyń basym bóligi Shymkent, Astana, Almaty qalalarynda, sondaı-aq Qaraǵandy, Pavlodar jáne Qostanaı oblystarynda tirkeldi.
«Bıyl polısııaǵa turmystyq zorlyq-zombylyq týraly 100 myń dabyl kelip tústi, onyń 60%-y boıynsha polısııa shara qoldana almady, óıtkeni jábirlenýshiler sol jerde ótinish berýden bas tartqan. Qoldanystaǵy zańnamaǵa sáıkes, polısııa qyzmetkerleri shaǵymsyz «úı tırandaryn» jaýapqa tarta almaıdy», dep atap ótti Ishki ister mınıstri Marat Ahmetjanov.
Vedomstvo basshysynyń aıtýynsha, tek 2022 jyly otbasylyq-turmystyq negizde 668 qylmys jasalǵan. Mınıstrlik turmystyq zorlyq-zombylyq týraly sıgnaldar boıynsha den qoıý sharalaryn qabyldap jatyr.
Jyl basynan beri 35 myń ákimshilik hattama jasaldy. Onyń ishinde sot sheshimi boıynsha:
- 10 myńnan astam adam qamaýǵa alyndy,
- 8,5 myń adam eskerildi,
- 675 adamǵa aıyppul salyndy.
