«Qazirgi tańda Qazaqstanǵa Reseıden 50-den astam halyqaralyq kompanııa qonys aýdardy. Olardyń barlyǵyn iri qalalarǵa shoǵyrlandyrý tıimsiz. Ákimdik mundaı óndiristerdi Almaty mańynda ÚAAJ (BAKAD) perımetri boıynsha ornalastyrýdy pysyqtaýy kerek, bul óńir ekonomıkasyna aıtarlyqtaı septigin tıgizedi. Bul máseleni Úkimetpen jáne kompanııalarmen talqylaý kerek», dedi Qasym-Jomart Toqaev.
Sondaı-aq Memleket basshysy ınvestorlarǵa, onyń ishinde basqa elden qonys aýdarǵandarǵa jańa óndiris oryndaryn ashýǵa jaǵdaıdy jasaý kerektigin aıtty.
«Oblysta birqatar iri eksporttaýshy kásiporyndar jumys isteıdi, olardan negizgi salyq túsimderi túsedi. Biz olarǵa memlekettik qoldaý sharalaryn kórsetý arqyly óndirisin keńeıtýge kómektesýimiz kerek», dedi ol.
Osy oraıda Prezıdent Ulttyq ekonomıka jáne Qarjy mınıstrlikterine bir aı ishinde usynystar engizýdi buıyrdy.
