Tómende mınıstrliktiń qoldaýymen ótetin eń iri jáne mańyzdy oqıǵalar kórsetilgen.
17-21 qazan aralyǵynda Qazaq ulttyq óner ýnıversıtetinde XXV halyqaralyq «Shabyt» shyǵarmashylyq jastar baıqaýy ótedi.
18-23 qazan aralyǵynda Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynyń qabyrǵasynda Qazaqstan drama teatrlarynyń respýblıkalyq festıvali josparlanǵan.
21 qazanda «Bozoq» Ulttyq saıabaǵynyń aýmaǵynda ejelgi Bozoq qalashyǵyn qaıta qurýdyń bastalǵany týraly tarıhı eske alý kapsýlasyn salý rásimi ótedi.
21 qazanda Kúlásh Baıseıitova atyndaǵy daryndy balalarǵa arnalǵan respýblıkalyq orta mamandandyrylǵan mýzyka mektep-ınternatynyń uıymdastyrýymen «Respýblıka kúnine arnaý» konserti ótedi.
21 qazanda Ábilhan Qasteev atyndaǵy Qazaqstan Respýblıkasynyń Memlekettik óner mýzeıi «Qazaqstan – balalar kózimen» balalar shyǵarmashylyǵyna arnalǵan kórmeni ótkizedi.
Almatydaǵy ortalyq memlekettik mýzeıde 22 qazanda «Táýelsiz Qazaqstan» zaly reekspozısııasynyń tusaýkeseri ótedi.
24 qazanda Ulttyq akademııalyq kitaphanada «Meniń Respýblıkam» aqyndar saıysy ótedi.
Sondaı-aq 24 qazanda Abaı oblysynda ornalasqan «Jıdebaı-Bórili» Abaıdyń memlekettik tarıhı-mádenı jáne ádebı-memorıaldyq qoryq – murajaıy «Respýblıka kúni - ulttyq mereke» atty kitap kórmesin uıymdastyrady.
25 qazanda «Qazaqstan kameratasy» klassıkalyq mýzyka ansambli uıymdastyrǵan «Astana Opera» memlekettik opera jáne balet teatrynyń kameralyq zalynda «Merekelik shashý» konserti ótedi.
25 qazanda astanalyqtar Jambyl atyndaǵy Qazaq memlekettik fılarmonııasynyń qoldaýymen «О́nerimiz saǵan - Qazaqstan!» konsertin tamashalaıdy.
Sondaı-aq 25 qazanda Ulttyq mýzeıde «Ulttyń uly ustyndary» respýblıkalyq shyǵarmashylyq baıqaýy ótedi.
Sonymen qatar 25 qazanda Beıbitshilik jáne kelisim saraıynda 2rar, Yenlik jáne Qaırat Nurtas konserti bolmaq.
Sol sııaqty 25 qazanda Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynda «Baıan sulý - Qozy Kórpesh» spektakli kórsetiledi, al «Qazaqstan» ortalyq konsert zalynda qazaqstandyq tanymal ánshi Roza Rymbaevanyń konserti ótedi.
26-28 qazan aralyǵynda «Ulytaý» tarıhı-mádenı jáne tabıǵı mýzeı-qoryǵynda «Altyn Ordanyń tarıhı-mádenı murasy» atty halyqaralyq ǵylymı-praktıkalyq konferensııa josparlanǵan.
