Bıyl Aqtóbe stansasynyń aýmaǵynda júk poıyzynyń bógde adamdy qaǵyp ketý oqıǵasy oryn aldy. Egde jastaǵy azamat, ótýge arnalmaǵan jerde temir joldy kesip ótpek bolyp júk quramasynyń soǵýynan aýyr jaraqat alyp, aýrýhanada kóz jumdy.
Taǵy bir aıta keterlik jaıt, temir joldy kesip ótemin dep jaraqat alyp jatqandardyń basym kópshiligi jeke bas qaýipsizdigin saqtamaǵandar, ishimdik ishken soń mas kúıinde qaýipti aımaqta júrgender. Temir jol kóligimen basyp ketý nemese soǵyp ketýdi boldyrmaý úshin: birinshiden, temir joldyń janynda shetki relsten 5 metrden kem emes jermen júrý, ekinshiden, arnaıy jolaýshy ótetin joldy, kópirdi nemese týnneldi paıdalaný, úshinshiden, temir joldyń boıymen júrmeý, taıap qalǵan poıyzdyń aldyn kespeý, tórtinshiden, temir jol ótkelderi jabylyp nemese ótkel baǵdarshamynyń qyzyl túsi janyp tursa, temir joldy kesip ótpeý, baǵyttama burmalardyń ústimen júrmeý, vagonnyń nemese avtomatty qosqyshtyń astymen ótpeý, besinshiden, relstiń ústinde otyrmaý nemese minip turmaý, altynshydan, temir jol boıyna bógde zat tastamaý, laqtyrmaý erejelerin qoldaný qajet.
Aqtóbe stansasynyń ujymy Aqtóbe qalasynyń turǵyndary men qonaqtaryn temir jol aýmaǵynda qaýipsizdik erejelerin saqtaýdy suraıdy.
S.AITJANOV,
Aqtóbe stansasy bastyǵynyń mindetin atqarýshy
