Qalada negizgi azyq-túlik baǵalary ósip keledi. Máselen, jyl basynda kúrishtiń bir kelisi 230 teńgeden satylsa, qazir - 470 teńge. Qaraqumyqtyń quny 540 bolsa, qazir 100-150 teńgege qymbattaǵan.
Bul rette Erbolat Dosaev qaladaǵy baǵanyń ósýin tejeý úshin ákimdik qandaı sharalar qabyldap jatqanyn aıtty.
Ákimniń aıtýynsha, azyq-túlik qymbattaýyna sońǵy geosaıası oqıǵalar men janar-jaǵarmaıdyń qymbattaýy túrindegi obektıvti sebepter áser etken.
«Qala tarapynan jyl sońyna deıin biz 85 myń tonna kóleminde áleýmettik mańyzy bar azyq-túlik ónimderin belgilengen baǵamen satý týraly ýaǵdalastyq. Astyq pen kúnbaǵys maıy boıynsha kelisimge qol jetkizildi. Qant, qaraqumyq jáne kúrishpen qamtamasyz etý máselesi boıynsha ákimdik 6,4 mlrd teńge qarastyrdy», dedi ákim.
Dosaevtyń aıtýynsha, saýda mınıstrligi biryńǵaı baǵalar týraly ýaǵdalasqannan keıin Almaty tıisti kvota alady.
Ákim atap ótkendeı, ádiletsiz baǵa belgileýdiń basty problemasy - zańsyz deldaldyq shemalar. Zańsyz deldaldyqpen kúresi maqsatynda birqatar sharalar kesheni daıyndaldy. Olar 2023 jyldyń qańtarynan bastap iske asyryla bastaıdy.
Aıta ketsek, 19 qazanda Memleket basshysy Almaty oblysyna jumys sapary barysynda Qazaqstandaǵy azyq-túlik ınflıasııasy 20%-ǵa deıin jetkenin aıtqan edi.
