6 qyrkúıekte Jibek Joly kentiniń mańynda 19 jastaǵy elordalyq turǵynynyń Toyota Land Cruiser-200 avtokóligine belgisiz tulǵalar zaqym keltirgen. Oqıǵa ornyna dereý kelgen jedel-tergeý toby Astana – Qaraǵandy tas jolynda belgisiz adamdar arasynda janjal týyndaǵanyn anyqtaǵan.
«Kýágerlerdiń aıtýynsha, qaskóılerdiń biri myltyqty alyp, oqıǵaǵa qatysýshylarǵa birneshe ret oq atqan. Oqıǵa ornynan polısııa atylǵan gılzalar, gaz ballonyn tárkiledi. Saraptama taǵaıyndaldy», dep jazylǵan habarlamada.
Rolisia.kz taratqan aqparatqa sensek, júrgizilgen tergeý jáne jedel-izdestirý is-sharalarynyń nátıjesinde joǵaryda atalǵan qylmysty jasaǵan kúdikti anyqtalyp, ustalǵan.
Ol buǵan deıin QR QK 293-baby boıynsha qylmystyq jaýapkershilikke tartylǵan Astana qalasynyń 39 jastaǵy turǵyny bolyp shyqty.
Tintý is-sharalary barysynda kúdiktiden zattaı dálelder, atap aıtqanda Nagan tapanshasy jáne 57 oq tárkilendi.
Arshaly polısııa bólimi osy faktige sáıkes QR QK 293-babynyń 3-bóligi «Buzaqylyq» boıynsha sotqa deıingi tergeýdi bastady. Kúdikti ýaqytsha ustaý ızolıatoryna qamaldy.
