Nobel festıvali - eń iri halyqaralyq is-shara.
Baǵdarlamanyń mıssııasy – jahandyq bilim men ǵylymdy álemniń kez kelgen buryshynda qoljetimdi etý. Festıvalge jyl saıyn Nobel syılyǵynyń laýreattary, «Serpilis» syılyǵynyń ıegerleri (ǵylymı Oskar), álemdik ınnovatorlar, 155 elden 500 ýnıversıtet jáne 500 myńnan astam adam qatysady.
V Nobel Fest bir mezgilde qazaq, aǵylshyn, túrik, qytaı, arab, ózbek jáne orys tilderinde 6 stýdııada - Ázerbaıjan, Germanııa, Túrkııa, Pákistan, Qytaı, О́zbekstan jáne Qazaqstanda ótedi.
Telekópir jumysyna QR Ǵylym jáne joǵary bilim mınıstri Saıasat Nurbek, 2017 jylǵy Nobel syılyǵynyń laýreaty Rae Kvong Chýng, CEO Nobel Fest negizin qalaýshy Maqsat Qurbenov, jastar agenttiginiń (О́zbekstan) dırektory Álisher Sadýllaev, COMSTECH, Islam Yntymaqtastyǵy Uıymynyń bas úılestirýshisi doktor Ikbal Choýdharı, Coca-Cola-nyń Eýrazııa men Taıaý Shyǵystaǵy vıse-prezıdenti Klaýdııa Navarro qatysady.
«Nobel festıvaliniń maqsaty - bilim berýdi barlyǵyna qoljetimdi etý. Bul aýqymdy is-shara oflaın formatta ótedi. Belgili spıkerler Astanada úsh kún boıy leksııa oqıdy. Nobel syılyǵynyń laýreaty aıasynda tuńǵysh ret Qazaqstanda Klımattyq ekonomıka ortalyǵynyń ashylýy mańyzdy oqıǵalardyń biri bolmaq. Ortalyq óz esigin M.Áýezov atyndaǵy Ońtústik Qazaqstan ýnıversıtetinde ashady», dedi V Nobel festıvali baǵdarlamasynyń jetekshisi Juldyz Adamzatova.
Sondaı-aq Nobel Fest aıasynda 31 qazan men 4 qarasha aralyǵynda Nobel dárister aptalyǵy uıymdastyrylady. Álemniń túkpir túkpirinen kelgen Nobel syılyǵynyń laýreattary jáne álemdegi eń bedeldi marapattardyń ıegerleri ýnıversıtetter men stýdentter úshin dáris oqıdy. Dárister Nobel Fest bas seriktesteri – M.Áýezov atyndaǵy Ońtústik Qazaqstan ýnıversıteti men S.Seıfýllın atyndaǵy Qazaq agrotehnıkalyq ýnıversıteti úshin arnaıy uıymdastyrylady.
