«Almaty polısııa departamenti R. Mýhorıapovqa qatysty tekserý júrgizýde, tıisti saraptama taǵaıyndaldy. Saraptama nátıjeleri boıynsha onyń is-áreketine baǵa beriledi», dedi QR Bas prokýrorynyń orynbasary Áset Shyndalıev tilshilerdiń suraqtaryna jaýap bere otyryp.
Buǵan deıin «Chocofamily Holding» negizin qalaýshy jáne teń ıesi Ramıl Mýhorıapov qazaq tiline qatysty aıtqan sózderinen keıin janjal týyndaǵan edi. Ol qazaqstandyqtar orys tilinde qoıylǵan suraqqa qazaq tilinde jaýap beretin jaǵdaıdy ultshyldyqtyń kórinisi dep atady. Keıinirek Ramıl Mýhorıapov aıtqan sózderi úshin keshirim surady.
