Bul týraly jýrnalıst Kúltegin Aspanuly óziniń Facebook paraqshasynda jazdy.
Jýrnalıstiń aıtýynsha, onyń Almaty qalasynyń Bas prokýratýrasy men prokýratýrasyna bergen ótinishine baılanysty Almaty qalasynyń polısııa departamenti qylmystyq is qozǵaǵan.
«Almaty PD ekstremızmge qarsy is-qımyl basqarmasy bastyǵynyń orynbasary D.E.Ábiqulov qol qoıǵan hatqa sáıkes, PD tergeý basqarmasy QR Qylmystyq kodeksiniń 174-babynyń 1-bóligi (áleýmettik, ulttyq, rýlyq, násildik, taptyq nemese dinı alaýyzdyqty qozdyrý) boıynsha sotqa deıingi tergeýdi bastady», dep jazdy Aspanuly.
Bas prokýrordyń orynbasary Áset Shyndalıev Almatynyń polısııa departamenti tekserý júrgizip jatqanyn jáne kásipkerdiń sózderi boıynsha tıisti saraptamalar taǵaıyndaǵanyn habarlady.
Buǵan deıin «Chocofamily Holding» negizin qalaýshy Ramıl Mýhorıapov qazaqstandyqtar orys tilinde qoıylǵan suraqqa qazaq tilinde jaýap beretin jaǵdaıdy ultshyldyqtyń kórinisi dep ataǵan edi. Keıinirek Ramıl Mýhorıapov aıtqan sózderi úshin keshirim surady.
Bul rette «Jańa Qazaqstan» depýtattyq tobynyń májilismender toby Bas prokýror Berik Asylovqa Mýhorıapovtyń sózderin tekserýge úndeý joldady. Depýtattar Bas Prokýror Qazaqstan Qylmystyq kodeksiniń 174 – babyna 1-tarmaǵyna sáıkes alaýyzdyqty órshitý sharalaryn qabyldaýy tıis dep sanaıdy.
