Shuǵyl qyzmetterdiń habarlaýynsha, Ońtústik Koreıa astanasynda COVID-19 pandemııasynan keıin alǵash ret shekteýsiz atap ótilgen helloýın kúninde 151 adam qaza taýyp, taǵy 82 adam zardap shekti.
Oqıǵa Seýldiń Itevon aýdanynda boldy, onda kóptegen túngi klýbtar, meıramhanalar men kafeler ornalasqan. Kovıdtik shekteýler joıylǵannan keıin aýdanda birinshi ret maskasyz jappaı mereke ótti.
«Qaza tapqandardyń kópshiligi kámeletke tolmaǵandar men 20 jas shamasyndaǵy jastar», dep habarlady órt sóndirý bóliminiń ókili.
Ol qaza tapqandardyń arasynda eki shetel azamaty bar, taǵy 15 sheteldik jaraqat alǵan. Kópshilik jınalǵan jerde adamdar densaýlyq jaǵdaılaryna shaǵymdana bastaǵan. 50-den astam adam júrek problemalaryna baılanysty esinen tanyp qalǵan. О́rt sóndirýshilerdiń aıtýynsha, halyq jappaı jınalǵan oryndarda adamdar bir-birin taptap ótken.
Helloýın Ońtústik Koreıada úlken mereke sanalmaıdy, degenmen Itevon - halyqaralyq mádenı atmosferasy bar aımaq - bul merekeni toılaıtyn adamdar jınalatyn orynǵa aınalǵan.
Oqıǵa kezinde aýdanda 100 myńǵa deıin adam bolǵan - negizinen jastar, keıbireýleri kostıým kıgen.
RIA Novostı jazǵandaı, Ońtústik Koreıa prezıdenti Iýn Sok Iol barlyq zardap shekkenderge kómek kórsetiletinin málimdedi.
«Men qaza tapqan adamdar úshin duǵa etemin jáne zardap shekkender tez saýyǵyp ketedi dep úmittenemin. Qaza tapqandardyń otbasylaryna kóńil aıtamyn, elde ulttyq aza tutý kúnin jarııalaımyn. Bul jaǵdaıdy sheshý úshin jáne bolashaqta qaıtalanbaýy úshin tıisti sharalar qabyldanady», dedi Iýn Sok Iol.
