«Osy maqsatta biz búgin QazStandartpen ýaǵdalastyqtardy iske asyrý jónindegi is-sharalar josparyna qol qoıdyq. Mundaǵy negizgi mindet - jalpy ólsheý etalondaryn belgileý jáne standartty úlgilerdiń neǵurlym talap etiletin túrleriniń birlesken óndirisin qurý. Bul eki eldiń óndirýshilerine óz ónimderin eksporttaýǵa kómektesedi», dedi «Tubitak Ume» Túrkııa metrologııa ınstıtýtynyń bas dırektory Mustafa Cetintas.
Otyrysqa 35 elden delegattar qatysyp, metrologııa, tehnıkalyq retteý jáne halal ındýstrııasy máselelerin talqylady. Sondaı-aq Ortalyq Azııa óńiri úshin halal aýdıtorlar trenıngi ótkizildi.
«Qazaqstannyń SMIIC-ke qatysýy jáne osy kezdesýge tóraǵalyq etýi Azııa men Eýropany biriktiretin, álemdik arenada ózara tıimdi yntymaqtastyq algorıtmderin quratyn eýrazııalyq hab retinde elimizdiń ósip kele jatqan mańyzdylyǵyn atap kórsetedi. Halal ındýstrııasy álemdik ekonomıkadaǵy qarqyndy damyp kele jatqan trendterdiń biri bolyp tabylady. IYU elderiniń 2022 jylǵa arnalǵan taýar aınalymynyń kólemi 14 mlrd AQSh dollarynan astam quraıdy. Halal ónimderiniń áleýeti azyq-túlik salasynan basqa aýyl sharýashylyǵy, farmasevtıka, kosmetıka, toqyma jáne aıaq kıim ónerkásibin de qamtıdy», dedi QR SIM TRMK QazStandarttyń bas dırektory Ǵabıt Muhambetov.
