QR SIM-de ótken kezdesý kezinde taraptar Qazaqstan-Germanııa qarym-qatynasynyń ekonomıkalyq yntymaqtastyq jáne osy jyldyń alǵashqy segiz aıynda 1,7 mlrd eýroǵa jetken taýar aınalymyn odan ári arttyrý perspektıvalarynan bastap, Qazaqstan óńirlerinde JEK salasyndaǵy nemis flagmandary Goldbeck Solar jáne Svevind kompanııalarymen birlesken jobalardy júzege asyrýdy eskere otyryp, energetıka salasyndaǵy kooperasııanyń jańa túrlerine deıingi barlyq spektri boıynsha pikir almasty.
Syrtqy saıası vedomstvolardyń basshylary tyǵyz jáne senimdi dıalogtyń bolýyn, sondaı-aq halyqaralyq kún tártibindegi birqatar másele boıynsha ustanymdardyń ortaqtyǵyn atap ótti. Qazaqstannyń beıbitshilik pen kelisim jolyndaǵy halyqaralyq, etnosaralyq jáne dinaralyq dıalogty qurýdaǵy róli erekshe ataldy.
Astana men Berlınniń kólik jáne logıstıka, aýyl sharýashylyǵy, energetıka jáne mádenı-gýmanıtarlyq yntymaqtastyq salasynda syndarly ózara is-qımylǵa degen qyzyǵýshylyqtaryna aıryqsha nazar aýdaryldy. Qazaqstannyń Germanııa men Eýropaǵa paıdaly qazba, tamaq ónerkásibi ónimderi, shıki munaı jáne basqa da energııa resýrstaryn jetkizýde senimdi seriktes ekenine toqtala kele, M. Tileýberdi qazaqstandyq taraptyń german seriktesterine erekshe artyqshylyqtar berýdi keń aýqymdy ınvestısııalar men nemis tehnologııalardyń transferine almastyrýǵa daıyn ekenin aıtty.
