«Búgin biz «Pedagog mártebesi týraly» zańnyń oń áseriniń kýási bolyp otyrmyz. Prezıdenttiń qoldaýynyń arqasynda muǵalimderdiń jalaqysy kóterildi jáne 2023 jyldyń qańtarynan bastap taǵy 25 paıyzǵa ósedi», dedi Ashat Aımaǵambetov Úkimet otyrysynda.
Sonymen qatar muǵalimderdiń kásibı quzyrettiligin arttyrýǵa erekshe kóńil bólinedi.
«2021 jyldan bastap pedagogıkalyq jumysqa qabyldaý úshin attestattaý engizildi. Iаǵnı, jumysqa turý úshin endi bir ǵana dıplom jetkiliksiz, pánińiz ben ádistemeńiz boıynsha testileýden ótý qajet. 2023 jyldan bastap biliktilikti arttyrý kýrstarynyń kezeńdiligi ózgeredi. Qazir bul bes jylda bir emes, úsh jylda bir ret bolady. Kýrstardyń mazmuny da, sıpaty da ózgerýde», dedi ol.
Mınıstrdiń aıtýynsha, dırektorlardyń kadrlyq rezervi jasaqtalýda. Bilim berý uıymdarynyń dırektorlaryn rotasııalaý tetigin iske asyrý jalǵasyp jatyr. Bilikti kadrlardy daıyndaý jáne olardyń biliktiligin arttyrý úshin «Muǵalim» jańa kásibı standarty engiziledi.
