2021 jylǵy derek boıynsha áıelderdiń ortasha aılyq jalaqysy 220 160 teńge, al erlerde – 281 239 teńge bolǵan. Aıyrmashylyq orta eseppen 61 079 teńge, al paıyzdyq mánde ol – 21,7%.
Ultyq statıstıka bıýrosy habarlaǵan aqparat boıynsha:
2021 jyly 15 jastan asqan jumys kúshiniń sany 9,3 mln adamdy quraǵan, ol halyq sanynyń 69,3%.
6,7 mln adam – jaldamaly jumyskerler, bul jumyspen qamtylǵandardyń 76,2%.
2,1 mln – óz betinshe jumyspen qamtylǵandar, paıyzdyq mánde ol – 23,8%.
Ekonomıkanyń ártúrli salalaryndaǵy erler men áıelderdiń bólinisine kelsek, jaldamaly jumys isteıtin er adamdar: qurylys (77,2%), ónerkásip (68,9%), aýyl sharýashylyǵy, orman jáne balyq sharýashylyǵy (57,8%), kólik jáne qoıma (77,4%) salalarynda jumyspen qamtylǵan.
Al áıelder: aýyl sharýashylyǵy sektorynda - 42,2%, ónerkásipte - 31,1% jáne qurylysta - 22,8% qyzmet etedi. Al basym kórsetkishter, saýdada - 57,1%, ornalastyrý jáne tamaqtaný qyzmetterin usyný - 65,4%, bilim berý salasynda - 72,9%, densaýlyq saqtaý jáne halyqqa áleýmettik qyzmet kórsetý salasynda - 73% qamtylǵan.
7,4 mln jumyspen qamtylǵan halyqtyń 83,5%-ynda joǵary jáne orta kásiptik (arnaıy) bilimi bar. Áıelder neǵurlym bilikti jumys kúshi sanalady, 41,4% áıeldiń bilim deńgeıi joǵary.
2021 jyldyń qorytyndysy boıynsha jumyssyzdar sany 449,6 myń adamdy quraǵan, olardyń 55,1% áıelder. Jumyssyzdyq deńgeıi 4,9% deńgeıinde qalyptasty, al áıelder jumyssyzdyǵy (5,5%) erler arasyndaǵy jumyssyzdyqtan (4,2%) asyp túsken.
