Atap aıtqanda, ártúrli modıfıkasııadaǵy tynys alý shemalary, vırýs-bakterııalyq fıltrler, medısınalyq ottegimen qamtamasyz etý jáne anestetıkalyq-tynys alý maskalarynyń óndirisiniń iske qosýdy talqylady.
Joba Astana qalasynda jasalyp, 2023 jyly iske qosylady dep otyr qos tarap. Birinshi kezeńde ınvestısııa kólemi 3 mıllıon dollardan asady.
Kezdesý barysynda R-Vent kompanııasynyń bas dırektory Taıfýn Onýr el ishinde suranystyń artýyna jáne jaqyn mańdaǵy naryqtarǵa shyǵý múmkindigine baılanysty qazaqstandyq naryq kompanııa úshin óte qyzyqty ekenin aıtqan.
«Bizde ozyq óndiris tehnologııalary bar, taýarlardy iri naryqtarǵa, sonyń ishinde Eýropa men Amerıka Qurama Shtattaryna eksporttaımyz jáne óz daǵdylarymyzdy qoldanýǵa jáne qazaqstandyq mamandardy osy tehnologııalardy qoldanýǵa úıretýge daıynbyz. Biz Qazaqstandy Ortalyq Azııa elderine jáne jaqyn arada Eýropa elderine eksporttaý múmkindigi bar Ortalyq Azııadaǵy hab retinde qarastyramyz», dedi Taıfýn Onýr.
О́z kezeginde «KAZAKH INVEST» UK» AQ basqarma tóraǵasynyń orynbasary Jandos Temirǵalı densaýlyq saqtaý, farmasevtıka óndirisindegi ınvestısııalyq jobalardy damytý Qazaqstan ekonomıkasynyń basym baǵyttardyń biri ekenin aıtyp, qoldaý kórsetetinin habarlaǵan.
