5 qarasha kúni, saǵat 20:00-de «Rıdder JEO» AQ-da kúl shyǵarý júıesindegi sorǵy isten shyǵyp, nátıjesinde №1 qazandyq blogynyń qosalqy jabdyqtary apatty jaǵdaıda toqtap, salqyndatqysh suıyqtyqtyń temperatýrasy tómendegen edi. Osyǵan baılanysty qazir qalanyń 22 myńnan astam abonenti jylýsyz otyr.
7 qarashadan bastap Rıdder mektepteriniń oqýshylary qashyqtyqtan oqytýǵa kóshse, qalanyń mektepke deıingi mekemeleri de jumysyn ýaqytsha toqtatady.
Tótenje jaǵdaıǵa baılanysty shtab táýlik boıy jumys isteıdi. Sondaı-aq jylý ortalyǵyna Sogrınskaıa jáne О́skemen jylý elektr stansııalary, «О́skemen jylý jelileri» AQ, «OESK» AQ (REK) mamandary tartylǵan.
Resmı aqparatqa sáıkes, qazirgi ýaqytta kúl shyǵarý júıesindegi qozǵaltqysh aýystyrylyp, iske qosý jumystary júrgizilýde. Sonymen qatar, JEO-ǵa 120 tonna mazýt jetkizildi, janarmaı jóneltý jalǵasýda.
Tótenshe jaǵdaıdy joıý úshin «Qazsınk» JShS JEO-ǵa 20-dan astam jumysshyny jiberip, jóndeý-qalpyna keltirý jumystaryna qosymsha tehnıka bóldi. Sondaı-aq, О́skemennen jylý qyzmetkerlerine kómekke «Vostokvzryvprom» JShS-niń 20 qyzmetkeri keldi.
Qazir jaǵdaı baqylaýda.
