Depýtattyń aıtýynsha, Aral óńiri turǵyndarynyń densaýlyq kórsetkishteri jaqsarǵan joq.
«О́ńirdegi densaýlyq saqtaý júıesi jergilikti halyqtyń aýrýshańdyǵy, múgedektik pen ólim-jitiminiń kóptigi boıynsha asa kúrdeli syn-qaterlerge tap bolyp otyr. Sońǵy 5 jylda Aral óńirinde týý kórsetkishi 13,6%-ǵa tómendedi. Halyqtyń tabıǵı ósimi 12,4%-ǵa azaıdy. О́ńirde turatyn júkti áıelderdiń densaýlyq ındeksi respýblıkalyq kórsetkishten 1,6 ese tómen. Sábıler shetineýiniń kórsetkishi dástúrli túrde respýblıkalyq kórsetkishten joǵary bolyp, áli de azaımaı otyr», dedi Aqmaral Álnazarova.
Bul rette depýtat ekologııalyq jáne klımattyq daǵdarys jaǵdaıynda densaýlyq saqtaý salasyndaǵy óńirlik qaýipsizdikti qamtamasyz etý jónindegi baǵdarlama ázirleýdi usyndy.
«Baǵdarlamany iske asyrý jáne máselelerdi keshendi sheshý úshin biz Qazaqstan Respýblıkasy men О́zbekstan Respýblıkasy parlamentshileriniń ózara is-qımylyn odan ári kúsheıtip, baǵdarlamany qarjylandyrý kózin izdestirýimiz qajet», dedi senator.
