Kóshpeli jıynnyń septigi kóp

3-5 qarashada Ortsaılaý­kom tóraǵasynyń orynbasary Kons­tantın Petrov pen OSK mú­she­si Sábıla Mustafına Shyǵys Qazaqstan jáne Abaı oblys­ta­rynda semınar-keńes­ter ót­kizdi. Is-sharaǵa aýmaq­tyq jáne ýchas­kelik saılaý komıssııa­lary­nyń músheleri, kandıdat­tar­dyń saılaý aldyndaǵy shtab­tary­nyń, BAQ, ýákiletti mem­lekettik organdardyń, sondaı-aq EQYU DIAQB mıssııalarynyń jáne TMD ókilderi qatysty.

Semınardyń birinshi bóli­minde OSK músheleri ýákilet­ti memlekettik organdar men saılaý komıssııalary múshe­leri­niń óńirlerde saılaýshy­lar tizimderi boıynsha júrgizip jatqan jumysty, saılaýdy uıymdastyrýshylyq, materıal­dyq-tehnıkalyq qamtamasyz etý, múgedektigi bar azamattar úshin saılaý ýchaskeleriniń qol­jetimdiligin qamtamasyz etý, saılaý úderisine qatysýshylardyń saılaý úderisi zańdylyǵyn saqtaýyn qadaǵalaýdy júzege asyrý, daýys berý kúni saılaý ýchaskelerinde quqyqtyq tár­tipti qamtamasyz etý, saılaý bıýl­letenderin kúzetý jáne jetkizý týraly baıandamalary tyńdaldy.

Máselen, Shyǵys Qazaqstan oblysynyń ASK tóraǵasy E.Nábıev oblysta 537 saılaý ýchaskesi jumys isteıtinin, onda 3 525 komıssııa múshesi qyz­met etetinin habarlady. Saı­laýshylar tizimderi 2022 jyl­dyń 30 qazanynda saılaý ýchaskelerine berildi, al 4 qarashadan bastap saılaýshylarǵa tanysý úshin usynyldy. Sondaı-aq saılaý ýchaskelerine 4 967 esepten shyǵarý kýáligi daıyndalyp, berildi. Saılaýshylardy daýys berý ýaqyty men orny týraly habardar etý úshin 400 myń shaqyrý daıyndaldy, olar saı­laý­shylardyń mekenjaılary boıynsha ýaqtyly jetkizilmek.

Shyǵys Qazaqstan oblysy áleýmettik qorǵaý basqar­masynyń basshysy A.Mýsınova múgedektigi bar azamattar daýys beretin 284 saılaý ýchaskesi belgilengenin habarlady. Oblystyń 537 saılaý ýchaskesiniń 533-i birinshi qabattarda ornalasqan, 469 ýchas­ke pandýstarmen, 429-y (85%) túrli taktıldi kórsetkishtermen jabdyqtalǵan. 475 ýchaskede tirek-qımyl apparaty fýnksııalary buzylǵan saılaýshylardyń, onyń ishinde arbada otyrǵan múmkindigi shekteýli jandarǵa jasyryn daý­ys berýge arnalǵan kabınalar qarastyrylǵan. Daýys berý kúni múgedektigi shekteýli azamattar turatyn 13 eldi mekende ınvataksı qyzmeti uıymdastyrylady.

Abaı oblysynyń ASK tóraǵasy N.Fesenko 1 qarashadaǵy jaǵdaı boıynsha oblystaǵy saılaý komıssııalarynyń sany – 486, komıssııa músheleri 3 290 adam ekenin habarlady. Saı­laýshylar sany 1500 adamnan asatyn 125 ýchaskede azamattardy tirkeýdi tekserý boıynsha servıs uıymdastyrylady, 5 ýchas­kede mobıldik HQKO jumysy isteıdi.

Oblystyń áleýmettik qor­ǵaý ba­sqarmasynyń basshysy A.Sul­tanova barlyq ýchaske­ler múgedektigi bar adamdar úshin qajetti resýrstarmen ja­raq­tandyrylǵanyn, 434-de pan­dýs­tar, 371 ýchaskede taktıldi kór­set­kishter bar ekenin habarlady.

Múgedektigi bar azamattarǵa arnalǵan shaqyrý túımeleri, Braıl túrindegi taktıldi taqtaı­sha­lar, shaǵylystyratyn sary jolaq­tar bar. Daýys berý kúni 16 kólik 3 eldi mekende ınvataksı qyz­metin kórsetedi (Semeı qala­sy boıynsha – 12, Aıagóz aýdanyn­da – 3, Jarma aýdanynda – 1). Qal­ǵan óńirlerde qajet bolǵan jaǵ­daıda daýys berý kezinde múge­dektigi bar adamdar tasymaldaý­men qamta­masyz etiledi, kólik saılaý­dyń barlyq kezeńinde kezekshilik etpek.

Semınar baǵdarlamasynyń ekinshi bóliminde OSK músheleri aýmaqtyq jáne ýchaskelik saılaý komıssııalary úshin keıs tehnologııasy negizinde iskerlik oıyn túrinde trenıngter ótkizdi.

Osylaısha, daýys berý kúnindegi is-qımyl algorıtmi boıyn­sha saılaý komıssııalary músheleriniń praktıka­lyq daǵdylary: saılaý bıýlleten­derin berý, azamattardy tirkeý, úı-jaıdan tys daýys berýge arnalǵan saılaý jáshikterin tasymal­daý, esepten shyǵarý kýá­­likteri boıynsha daýys berý, da­ýys berý qorytyndylary boıyn­sha hattamalardy resimdeý tek­se­rildi. OSK músheleri saılaý ko­mıs­sııalary músheleriniń is-qı­myl algorıtmi boıynsha naq­tylaıtyn suraqtar qoıyp, daýys berý rásimin uıymdastyrýdaǵy basty mindet – onyń ashyqtyǵyn qamtamasyz etý ekenin eske saldy.

Semınarlardan keıin OSK múshe­leri óńirlerdiń saılaý ýchas­kelerine bardy. Atap aıt­qan­da, Shyǵys Qazaqstan oblysy Ulan aýdany men Abaı oblysy Boro­dýlıha aýdanynyń saılaý ýchas­keleriniń daıyndyǵy tekserildi. Saılaý komıssııalaryna OSK músheleri tarapynan ádistemelik jáne konsýltasııalyq kómek kórsetildi.